“Qazprom” “Şimal Axını”nın genişləndirilməsindən imtina etdi

“Qazprom” “Şimal Axını” qaz kəmərinin Böyük Britaniyaya qədər uzadılmasından imtina edib.

Publika.az xəbər verir ki, bu barədə “Reuters” şirkətdəki mənbəyə istinadən məlumat yayıb. Qeyd edib ki, şirkətdə çətin siyasi vəziyyət yaranıb: “ Bizi OPAL kəmərinə buraxmırlar. Niyə daha iki xətt çəkməliyik? Biz tikmirik. “Şimal Axını” kəmərinin genişləndirilməsi və onun Böyük Britaniyaya qədər uzadılması planlarımızda yoxdur”.

Xatırladaq ki, 2013-cü ildə “Qazprom” “Şimal Axını” kəmərinin genişləndirilməsi və onun Böyük Britaniyaya kimi iki xəttlə uzadılması planlarını elan etmişdi. İndi qaz ümumi gücü 55 milyard kub metr təşkil edən iki xəttlə Avropaya nəql olunur. Lakin Avropa qaz kəməri OPALa “Qazpromun” çıxışı olmadığı üçün kəmərin gücünün yanlız yarısından istifadə edilir.

İqtisadiyyat şöbəsi