ABŞ-dan MENBİÇ AÇIQLAMASI
Bizi izləyin

ABŞ

ABŞ-dan MENBİÇ AÇIQLAMASI

ABŞ-ın Xarici İşlər Nazirliyinin sözçüsü Heter Nauert ölkəsinin və koalisiya qüvvələrinin Türkiyənin əməliyyat keçirməyi planladığı Menbiç bölgəsindən çəkilməyə niyyətlərinin olmadığını açıqlayıb.

Publika.az xarici mediaya istinadən xəbər verir ki, Vaşinqtonda keçirilən mətbuat konfransında çıxış edən XİN sözçüsü jurnalistlərin suallarını cavablandırarkən bu açıqlamanı verib.

Belə ki, jurnalistlərdən biri “Türkiyə xarici işlər naziri Mövlud Çavuçoğlu sizin açıqlamalarınızdan sonra Menbiç mövzusunda bir razılaşma deyil, bir anlayış olduğunu deyib. Belə bir anlayış varmı, varsa, açıqlaya bilərsinizmi” sualını verib.

Jurnalistin bu sualına nazirlik sözçüsü “Deyə bilərəm ki, Türkiyə hökuməti ilə danışıqlar davam edir, biz Türkiyə höküməti ilə davam edən danışıqları gözləyirik”-deyə cavab verib.

“Bəs Menbiçə hücum təşkil etmək niyyəti ilə bağlı nə cavab verə bilərsiniz” sualına isə nazirlik sözçüsü “Menbiçdən ayrılmaq niyyətində deyilik” cavabını verib.

“ABŞ qüvvələri Menbiçdədir və biz Türkiyə hökumətinə bu əməliyyatları davam etdirdiyimizi açıq şəkildə ifadə etdik. Türkiyə hökümətinə narahatlıqlarımızı açıqca çatdırdıq. Həm ABŞ olaraq özümüzün, həm də koalisiya qüvvələrinin müdafiəsi haqqına sahib olduğumuzu açıq şəkildə ifadə etdik”.

O, mövzu ilə bağlı digər sualların ABŞ Müdafiə Nazirliyinə ünvanlanmalı olduğunu əlavə edib.

Qeyd edək ki, ötən gün Türkiyə prezidenti Rəcəb Tayyib Ərdoğanla ABŞ prezidenti Donald Tramp arasında baş tutan telefon danışığında da Menbiç məsələsi müzakirə edilib.

Gülxar

Oxumağa davam et
Reklam
Reklam

Gündəm