Bakı 2015

Portuqaliyadan Bakıya velosipedlə gələn azarkeş - FOTOLAR

29 Aprel 2015 14:26

Portuqaliyalı idmançı, əvvəllər dəfələrlə velosiped yarışlarında iştirak etmiş Corc Kristavo iyunun 12-də ölkəmizin paytaxtı Bakı şəhərində start götürəcək ilk Avropa Oyunlarında tamaşaçı kimi iştirak etmək üçün Portuqaliyanın paytaxtı Lissabondan Azərbaycana velosiped turuna başlayıb.

Publika.az xəbər verir ki, Corc Kristavo respublikamızda təşkil olunacaq möhtəşəm tədbirdə öz həmvətənlərindən fərqli iştirak etmək niyyətindədir.

Belə ki, bir neçə Avropa ölkəsini gəzən portuqal min kilometrlərlə məsafəni velosipedlə qət edəcək. O, hazırda Fransa ərazisindədir.

Qeyd edək ki, Avropanın bir neçə ölkəsində olacaq 53 yaşlı atlet “Lissabon-Bakı” velosiped turuna bir neçə gün bundan əvvəl başlayıb. O, 7000 kilometr məsafə qət edəcək. Corc Kristavonun bu addımı avropalılar, o cümlədən Lissabon sakinləri tərəfindən böyük maraqla qarşılanıb. Həmin ölkənin mətbuat orqanları 53 yaşlı atletin velosiped turuna xüsusi yer ayırırlar.

Anar Tağıyev