Bakı 2015
Aygün: "Ölkəni tanıtmaq üçün Avropa Oyunlarının keçirilməsi vacibdir"
“Bakı-2015” Birinci Avropa Oyunlarına 28 gün qalır. Azərbaycan böyük bir beynəlxalq yarışa ev sahibliyi etməyə tam hazırdır. Hazırlıq prosesində iştirak edib-etməməsindən asılı olmayaraq, hər kəsin diqqəti Birinci Avropa Oyunlarına yönəlib.
Ölkəmizdə tanınmış şəxslər də bu prosesə çox fəal qoşularaq vətəndaş mövqeyi nümayiş etdirir.
Xalq artisti Aygün Bayramova Publika.az-a açıqlamasında hazırlıq prosesini izlədiyini və yüksək qiymətləndirdiyini deyib. O da hadisənin Azərbaycan üçün əhəmiyyətli olduğu qənaətindədir:
“Əhval ruhiyyəm çox yaxşıdır. Çox yüksək səviyyədə hazırlaşırıq. Hər şey çox gözəl olacaq. Bizi istəməyənlər də çoxdur. Bəziləri deyir ki, Avropa Oyunları bizim nəyimizə lazımdır? Axı, bu nə sualdır? Bir ölkəni tanıtmaq üçün belə oyunların keçirilməsi çox vacibdir. Niyə bu hansısa Avropa ölkəsində keçirilsin, Azərbaycanda olmasın?! Çox az zaman qalıb. Bura gələn hər bir qonağın, idmançı və ya turistin məmnun getməsindən ötrü hər birimiz əlimizdən gələni etməliyik. Azərbaycanı sevən, ürəyi bu ölkə üçün çırpınan biri Avropa Oyunlarının əleyhinə danışa bilməz”.
A.Bayramova Avropa Oyunlarının təşkilinə ölkə rəhbərliyi səviyyəsində diqqətdən də danışıb: “Cənab prezident və xanımının idman stadionlarının açılışlarında olması, bu oyunlara olan ciddi nəzarətin bariz nümunəsidir”.
Xalq artisti həmçinin bu oyunları canlı olaraq izləyəcəyini də əlavə edib:
“Əlbəttə gedəcəyəm! Təkcə açılışı yox, bağlanış mərasimini də izləyəcəyəm. Hətta planımda var ki, bir neçə idman növünü də ailəmlə izləyim. Başqa cür ola da bilməz. Axı, mən də bu xalqın nümayəndəsiyəm”.
İsa Şükürov
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama