Bakı 2015

Avropa Oyunlarının şokoladdan hazırlanan simvolu - FOTOLAR

5 İyun 2015 16:10

Məşhur “Nikolya” Şokolad Muzeyi müəllif sərgisi dünya turu çərçivəsində 40-dan çox şəhərdə nümayiş etdirildikdən sonra Bakıya gəlib.

Açılışı mayın 15-də Muzey Mərkəzində baş tutan sərgiyə artıq minlərlə insan baş çəkib.

Bu gün isə sərgidə yeni eksponatın, Nikolay Popovun İlk Avropa Oyunlarına həsr etdiyi 3D rəsmin təqdimatı olub. Bu, dünyada şokoladdan hazırlanmış ən böyük rəsm əsəri hesab edilir. Əsərin müəllifi Nikolay Popov əsərin ümumi çəkisinin 200 kq, eninin 3 metrdən çox olduğunu bildirib. Rəsmdə Azərbaycan Respublikasının xəritəsi, gerbi və Avropa Oyunlarının simvolu olan nar əks olunub.

Tədbirdə Azərbaycan Respublikası Mədəniyyət və Turizm Naziri cənab Əbülfəs Qarayev və Bakı Avropa Oyunları Komitəsinin (BEGOC) icraçı direktoru Simon Clegg iştirak edib.

Qeyd edək ki, şokolad sərgisi iyunun 28-dək davam edəcək.

İlknur Salamova