Bakı 2015
Birinci Avropa Oyunlarına qarşı aparılan qarayaxma kampaniyası tənqid olunub
Türkiyənin “Sabah” qəzetinin alman dili versiyasının saytında (www.sabahdeutsch.de) birinci Avropa Oyunlarına qarşı aparılan qarayaxma kampaniyası ciddi tənqid edilib.
AZƏRTAC xəbər verir ki, məqalədə Almaniya mediasının Azərbaycana qarşı qərəzli mövqe sərgilədiyi qeyd edilib: “İyunun 12-dən 28-dək Azərbaycanın paytaxtında ilk Avropa Oyunları keçiriləcək. Qitənin 49 ölkəsindən 6 min atlet idmanın 20 növü üzrə mübarizə aparacaq. Lakin Almaniyanın “Frankfurter Allgemeine Zeitung” və “Tagesspiegel” kimi nəşrləri insan haqları, mətbuat azadlığı üzərindən çıxış edərək Azərbaycanı tənqid edirlər. Bu tənqidlər ağlabatan görünmür”.
Məqalədə Azərbaycanın Berlindəki səfirliyinin məsələ ilə bağlı fikirləri də yer alıb: “Azərbaycan ilə bağlı hesabatların bir çoxu yalan və natamam informasiyalara söykənir. Azad mətbuatın belə qeyri-ciddi yanaşması bizi çox məyus edir”, - deyə Berlindəki səfirliyimiz qeyd edib.
Yazıda diqqətə çatdırılıb ki, Azərbaycan müstəqilliyinin 24-cü ilini yaşayır. 2001-ci ildən Avropa Şurasının üzvü olan Azərbaycanda bir neçə telekanal və radiostansiya, 50 informasiya agentliyi, 200-dən çox qəzet fəaliyyət göstərir. Ölkədə müxalifət qəzetləri azad şəkildə və ən çox tirajla nəşr olunur. Əhalinin 70 faizi internetə məhdudiyyət olmadan çıxa bilir. İndiyə qədər heç bir jurnalist peşə səbəblərinə görə həbs olunmayıb. Azərbaycan dünyanın 40 ən güclü iqtisadiyyatı arasındadır. İşsizlik isə 5 faizdən də azdır.
Azərbaycan torpaqlarının 20 faizinin Ermənistan silahlı qüvvələri tərəfindən işğal olunduğunu qeyd edən sayt yazır: “Almaniya mətbuatı nə üçün bu məqamı qabartmır, bir milyondan çox qaçqın və məcburi köçkünün pozulan hüquqlarından bəhs etmir? Bu media Dağlıq Qarabağın qeyri-qanuni işğalına qarşı etiraz etməyib”.
İyunun 10-da Avropa Parlamentində keçirilən, iyunun 12-də isə Bundestaqda təşkil edilməsi planlaşdırılan Azərbaycan ilə bağlı dinləmələrə münasibət bildirən ölkəmizin Almaniyadakı səfirliyi insan haqları ilə bağlı ittihamları yanlış mövqe adlandıraraq deyib: “Bu ittihamları irəli sürənlər Ermənistanın etnik təmizləməyə məruz qoyduğu bir milyon insanın taleyi ilə maraqlanmırlar”.
Məqalədə Azərbaycanın ilk Avropa Oyunlarına ev sahibliyi etmək üçün ciddi hazırlaşdığı qeyd olunub. Görülən yüksək səviyyəli hazırlıq işləri Avropa Olimpiya Komitəsinin prezidenti Patrik Hikki və bir neçə idman mütəxəssisi tərəfindən təqdir olunub. P.Hikkinin sözlərinə istinad edən sayt yazır: “İdmanı siyasətə qatmaq doğru deyil”.
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO