• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Atıcılıq: Bəzi mükafatçılar müəyyənləşdi - YENİLƏNİB

Atıcılıq: Bəzi mükafatçılar müəyyənləşdi - YENİLƏNİB

Bu gün Bakı-2015 Avropa Oyunları çərçivəsində atıcılığın bəzi növlərində mükafatçılar müəyyənləşib.

Kişilər arasında səngər stendi yarışlarında Aleksey Alipov (Rusiya) birinci, Erik Varqa (Slovakiya) ikinci, Covanni Pellielo (İtaliya) isə üçüncü yeri tutub.

Qadınların 10 metrdən hava tapançası ilə atəş yarışlarının mükafatçıları: Zorana Arunoviç (Serbiya), Sonya Franke (İspaniya), Viktoriya Çayka (Belarus)

Kişilər arasında 10 metrdən hava tapançası ilə atəş yarışlarının mükafatçıları: Damir Mikeç (Serbiya), Joao Koşta (Portuqaliya), Yuray Tujinski (Slovakiya).

10:24

Qadınların 10 metrdən pnevmatik tapança ilə atəş açmaq yarışlarında Azərbaycanı iki snayper təmsil edib. Lakin İradə Aşumova və Nərminə Səmədovanın çıxışı uğursuz alınıb.

Belə ki, hər iki snayperimiz təsnifat mərhələsində mübarizəni dayandırıb. 36 idmançının qatıldığı mərhələdə Aşumova 273 xalla 26-cı, Səmədova 360 xalla 35-ci yeri tutub. Final mərhələsinə yalnız ilk 8 yerin sahibi yüksəlib.

09:26

Bu gün Bakı 2015 Avropa Oyunlarında qadınlar arasında hava tapançasından 10 metr məsafəyə atəş üzrə təsnifat mərhələsi start götürüb.

Publika.az xəbər verir ki, Azərbaycan bugünkü yarışda həm kişi, həm də qadınlar olmaqla 6 idmançı ilə təmsil olunacaq.

Qadınlar arasında 10 metrdən hava tapançası ilə atəş açmada Nərminə Səmədova və İradə Aşumova yarışacaq.

Saat 10:30-da isə stend atıcılığında Əlimirzə Quliyev və Elvin İsmayılov dəqiqliklərini yoxlayacaq. Kişilər arasında 10 metr məsafədə atəş açmada Ruslan Lunev və Rəsul Məmmədov mübarizə aparacaq. Bu yarış saat 10:30-da start götürəcək.

Qeyd edək ki, I Avropa Oyunlarında atıcılıq yarışlarına iyunun 22-də yekun vurulacaq.

Xəbər lenti

DAHA ÇOX XƏBƏR