Bakı 2015

Stolüstü tennis: Fərdi mübarizə başlayıb - YENİLƏNİR

17 İyun 2015 17:46

Birinci Avropa Oyunlarında kişilər və qadınlar arasında stolüstü tennis yarışında idmançıların fərdi mübarizəsi başlayıb.

Publika.az xəbər verir ki, günün birinci yarısında qadın idmançılar mübarizə aparıb. Qadın tennisçilərin fərdi yarışlarında ikinci dövrənin qalibləri müəyyən olunub.

Han İnq (Almaniya) və Sofiya Polçanova (Avstriya), Ksue Li (Fransa) və Li Çji (Hollandiya), Yeva Odorova (Slovakiya) və Renata Stribkova (Çexiya), Marqarita Pesotska (Ukrayna) və Ksiya Liyan Ni (Lüksemburq), Elizabeta Samara (Rumıniya) və Cian Li (Polşa), Tetyana Bilenko (Ukrayna) və Melek Hu (Türkiyə), Petrissa Solya (Almaniya) və Qalya Dvorak, həmçinin Çjao Li (Hollandiya) və Tszya Lyu (Avstriya) növbəti mərhələyə yüksəliblər.

Axşam seansında isə kişilər arasında görüşlər keçiriləcək.