• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Xetaq Qazyumov: “Cənab prezidentin bizi izləməsi olduqca qürurverici an idi”

Xetaq Qazyumov: “Cənab prezidentin bizi izləməsi olduqca qürurverici an idi”

Avropa Oyunlarında 93 kq çəki dərəcəsində qızıl medal qazanaraq tarixə düşən idmançılardan biri də Xetaq Qazyumovdur.

Xetaq Qazyumov Publika.az-a müsahibəsində Avropa Oyunlarındakı çıxışı və qarşıdakı planları ilə bağlı danışıb:

- İlk öncə təəssüratlarınızı öyrənmək istərdik. Həm qələbəniz, həm də ümumi Oyunlar barədə...

- I Avropa Oyunları bizə olduqca güclü təəssürat bağışlayıb. Deyərdim ki, Avropa Oyunları Azərbaycan üçün böyük bir bayramdır. Bu Oyunlarda iştirak etmək biz idmançılar üçün böyük şərəfdir. Qələbəmi bütün Azərbaycana həsr etdim. Ümid edirəm ki, qarşıdakı yarışlarda da bu cür gözəl nəticələr verərəm, azarkeşlərimizi sevindirərəm.

- Qarşıda sizi dünya çempionatı gözləyir. Hazırlığa nə vaxtdan başlayacaqsız?

- İndi bizi qarşıdan gələn dünya çempionatına hazırlıqlar gözləyir. Əgər seçmə mərhələləri keçsək, əzmlə mübarizə aparacağıq. Bizim məqsədimiz yalnız ən yüksək zirvəni fəth edərək qızıl medal qazanmaqdır. Maksimum nəticə üçün çalışırıq.

- Rusiya idmançısı ilə görüşünüz çətin oldu?

- Elədir. Amma şükür ki, qalib gələ bildim. Rusiya idmançısı Abdusalam Qadisov üzərində qazandığım qələbə xüsusi önəm kəsb edir. Ötən il Rusiya təmsilçisi məni məğlub etmişdi. Deməzdim ki, bu görüş bir revanş xarakteri daşıyır. Bu dəfə mənim bəxtim gətirdi. Amma onunla görüşlərimiz gələcəkdə də olacaq.

- Azarkeş dəstəyi barədə nə deyə bilərsiz?

- Çox güclü azarkeş dəstəyimiz var idi. Bizi qələbəyə elə onlar həvəsləndirirdi. Biz də onları qələbələrimizlə sevindirdik. Doğma azarkeşlər qarşısında uduzmaq mənim üçün çox çətin olardı. Buna görə də əlimdən gələni edib yarışdan qalibiyyətlə ayrıldım. Cənab prezidentin də bizi izləməsi olduqca qürurverici an idi.

Aygün İlqarqızı

Xəbər lenti

DAHA ÇOX XƏBƏR