• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Azərbaycan Avropa Oyunlarının ikincisidir - SİHAYI

Azərbaycan Avropa Oyunlarının ikincisidir - SİHAYI

Bu gün Bakı-2015 I Avropa Oyunlarında 13 idman növü üzrə yarışlar keçirilib. Bu növlərin 6-da mükafatçılar müəyyənləşib.

Publika.az xəbər verir ki, medal siyahısında Rusiya millisi rəqiblərindən böyük ölçüdə uzaqlaşmaqda davam edir. Rusiyanın aktivində 27 qızıl, 12 gümüş, 10 bürünc medal var. Siyahıda 2-ci olan Azərbaycan 3-cü yerin sahibi Macarıstandan 6 qızıl medal artıq qazanıb. Millimizin aktivində 13 qızıl, 5 gümüş, 12 bürünc medal var. İlk üçlükdə olan Macarıstan 7 qızıl, 2 gümüş, 5 bürünc medala sahibdir.

19 iyun

Taekvondo:

+80 kq çəkidə I Avropa Oyunlarının qalibi təmsilçimiz Radik İsayev olub.

18 iyun

Gimnastika:

Kişilərin yarışında çıxış edən Oleq Stepko Avropa Oyunlarının gümüş mükafatına layiq görülüb.

Güləş:

Güləş yarışlarının son günündə Camaləddin Maqomedov, Ruslan Dibirhacıyev və Hacı Əliyev öz çəki dərəcələrində bürünc medal əldə ediblər.

Taekvondo:

Kişilər arasında 80 kq çəki dərəcəsində təmsilçimiz Milad Beygi Harçeqani qızıl, qadınlar arasında 67 kq çəki dərəcəsində Fəridə Əzizova gümüş medal qazandı.

17 iyun

Güləş:

65 kq çəki dərəcəsində Toğrul Əsgərov, 97 kq çəki dərəcəsində təmsilçimiz Xetaq Qazyumov qızıl medal qazanıb. Digər güləşçimiz 74 kq çəki dərəcəsində Cəbrayıl Həsənov isə bürünc medala yiyələnib.

Taekvando:

68 kq çəki dərəcəsində mübarizə aparan Ayxan Tağızadə taekvandoçularımızın 1-ci qızıl medalına sahib çıxıb.

16 iyun

Güləş:

53 kq çəki dərəcəsində sərbəst güləş üzrə təmsilçimiz Anjela Doroqan qızıl medal qazanıb.

Avarçəkmə:

Təmsilçimiz Valentin Demyanenko Avropa Oyunlarının gümüş mükafatını qazanıb. O, kanoeçilərin 200 metr məsafəyə yarışında 40,142 saniyə nəticə ilə 2-ci olub.

Taekvando:

Millimizin üzvü 49 kq dərəcəsində Abakarova Patimat bürünc medal qazanıb.

15 iyun

Güləş:

Qadın güləşçilərdən ibarət millimizin üzvü 48 kq çəki dərəcəsində çıxış edən Mariya Stadnik qızıl medal qazanıb. Onun komanda yoldaşı 55 kq çəki dərəcəsində çıxış edən Natalya Sinişin isə bürünc medal əldə edə bilib.

Gimnastika:

İdman gimnastikası üzrə kişilərdən ibarət Azərbaycan yığması bürünc medalı qazanıb. Oleq Stepko, Eldar Səfərov və Petro Paxnyukdan ibarət Azərbaycan komandası 174.195 xalla üçüncü yeri tutub.

14 iyun

Güləş:

Millimizin heyətində Elvin Mürsəliyev çempion olub, Sabah Şəriəti ikinci, Həsən Əliyev üçüncü yeri tutub.

Karate:

Karate üzrə millimizin heyətində Ayxan Mamayev, İrina Zaretska qızıl medalı komanda aktivinə yazdırmağı bacarıb.

Triatlon:

Rostislav Pevtsov da yarışların 3-cü günü komandamızın medal sayını artırıb. O bürünc medalla kifayətlənməli olub.

13 iyun

Karate:

Həmyerlimiz Rafael Ağayev İtaliya idmançısı Luiqi Busa ilə qarşılaşıb. Qələbə çalan həmyerlimiz qızıl medala sahib olub.

***

Azərbaycanlı idmançı Firdovsi Fərzəliyev özünün italiyalı rəqibini 4:0 hesabı ilə məğlub edərək, qızıl medalın sahibi olub.

***

Bürünc medal uğrunda 55 kq çəkidə azərbaycanlı idmançı İlahə Qasımova və İspaniya təmsilçisi Qarsia Ferrer 5:2 hesabıyla məğlub edərək bürünc medalın sahibi olub.

***

Azərbaycanlı idmançı Niyazi Əliyev özünün almaniyalı rəqibini 3:1 hesabı ilə məğlub edərək bürünc medalın sahibi olub.

Güləş:

Yunan-Roma güləşi üzrə 71 kq çəki dərəcəsində güləşçimiz Rəsul Çunayev finalda macar güləşçi Korpası Balintlə görüşüb və 3-1 hesablı qələbə əldə edərək qızıl medala sahib çıxıb.

***

Yunan-Roma güləşi üzrə 80 kq çəki dərəcəsində güləşçimiz Rafiq Hüseynov finalda rus güləşçi Yevgeni Saleyevə məğlub olaraq gümüş medal qazanıb.

***

Yunan-Roma güləşi üzrə 98 kq çəki dərəcəsində güləşçimiz Orxan Nuriyev bürünc medal uğrunda türkiyəli güləşçi İldem Cenkə məğlub olub və komanda aktivinə medal yazdıra bilməyib.

***

Elman Muxtarov erməni güləşçini 4-1 hesabı ilə məğlub edərək bürünc medal əldə edib.

Xəbər lenti

DAHA ÇOX XƏBƏR