Kişi voleybolu: Millimiz uduzdu - CANLI YAYIM - YENİLƏNİR

“A” qrupunda mübarizə aparan Azərbaycan milli komandası hazırda Polşa voleybolçuları ilə qarşılaşır. İlk set polşalıların üstünlüyü ilə başa çatıb - 14:25.

Polşa voleybolçuları ikinci seti də qələbə ilə başa vurublar - 13:25.

Polşalılar üçüncü setdə 17:25 hesabı ilə qalib gəliblər.

16:41

Bu gün kişi voleybolçular arasında Bakı 2015 I Avropa Oyunlarında 4-cü turun görüşləri keçiriləcək.

Publika.az xəbər verir ki, Azərbaycan yığması Bakı Kristal Zalında Polşa millisiylə qarşılaşacaq.

A qrupunda yer alan Bülənt Karslıoğlunun yetirmələri ilk 3 matçın hamısında məğlub olub və ilk “dördlüy”ə düşmək üçün mütləq bu oyunda qələbə qazanmalıdır. Lakin bu, çox çətin görünür. Çünki rəqib qrup lideri Polşadır. 1/4 finala vəsiqəni təmin edən polşalıların liderliyi əldən verməmək üçün sonacan mübarizə aparacağı gözlənilir.

Digər rəqiblərimizdən liderlər - Fransa ilə Türkiyənin görüşü də böyük maraq doğurur.

B qrupunda itkisiz irəliləyən və növbəti mərhələyə vəsiqəni təmin edən Rusiya bu turda Bolqarıstanı sınağa çəkəcək. Burada İtaliya daha bir məğlubiyyətlə 1/4 final şansını itirə bilər.

Voleybol

Kişilər, IV tur

A qrupu

Fransa – Türkiyə 3:0 (25:23, 25:19, 25:16)

Serbiya – Finlandiya - 3:0 (25:16, 28:26, 25:20)

20:00 Polşa – Azərbaycan

B qrupu

Slovakiya – Belçika - 3:1 (25:22, 19:25, 25:21, 25:19)

16:30 Rusiya – Bolqarıstan

22:00 Almaniya – İtaliya

​