Qadın voleybolu: yığmamız məğlub oldu – YENİLƏNİR

Azərbaycan yığması Türkiyəyə 0-3 hesabı ilə məğlub oldu. Buna baxmayaraq, yığmamız qrupda ikinci yeri tutaraq dörddəbir finala vəsiqə qazanıb.

21:16

Voleybol üzrə qadınlar arasında A qrupunun görüşü başlayıb.

Hazırda Azərbaycan və Türkiyə yığmaları qarşılaşır. Türkiyə yığması ilk setdə 25-23 hesabı ilə qalib gəldi.

Türkiyə yığması gərgin keçən ikinci setdə də qalib gəldi.

16:14

Bakı 2015 I Avropa Oyunlarında qadınlar arasında voleybol yarışının qrup mərhələsinə yekun vurulacaq.

Publika.az xəbər verir ki, Azərbaycan yığması son turda liderlik oyununa çıxacaq. A qrupunda yer alan komandamız Türkiyə ilə üz-üzə gələcək. Hər iki yığma 1/4 final mərhələsinə vəsiqəni təmin etsə də, bu matç qrup qalibinin adına aydınlıq gətirəcək. Keçirdiyi 4 görüşün hamısında qələbə qazanan millimiz bu seriyanı davam etdirməyə çalışacaq.

Bu qrupda Azərbaycan, Türkiyə və Polşanın ardından 1/4 finala yüksələcək 4-cü komandanın adı son turda bilinəcək. Buna İtaliya – Rumıniya və Belçika – Polşa qarşılaşmalarının nəticələri aydınlıq gətirəcək.

B qrupunda hələlik yalnız Serbiya və Hollandiyanın mübarizəni davam etdirəcəyi rəsmiləşib. Digər 2 vəsiqənin taleyi baxımından bu gün keçiriləcək hər 3 qarşılaşmanın əhəmiyyəti böyükdür.

Voleybol, qadınlar, 5-ci tur

21 iyun

A qrupu

Belçika – Polşa - 3:2 (25:22, 21:25, 23:25, 25:22, 16:14)

İtaliya – Rumıniya - 0:3 (23:25, 16:25, 21:25)

20:00 Türkiyə - Azərbaycan

B qrupu

Hollandiya – Bolqarıstan - 3:0 (25:20, 25:18, 25:19)

16:30 Xorvatiya – Almaniya

22:00 Rusiya – Serbiya