Bakı 2015

Gümüş medalçı: "Təəssüf ki, yarımfinalda topuğumdan zədə aldım"

23 İyun 2015 17:26

"Bu yarışa çox ciddi hazırlaşırdıq. Təəssüflər olsun ki, yarımfinalda topuğumdan zədə aldım və ayağımı gipsə saldılar".

Publika.az xəbər verir ki, bunu jurnalistlərə açıqlamasında Bakı 2015 I Avropa Oyunlarında sambo yarışında Azərbaycana gümüş medal qazandıran Amil Qasımov deyib.

74 kq çəkidə gedən mübarizənin sonunda belaruslu Stepan Popova məğlub olan (0:4) A.Qasımov buna zədənin səbəb olduğunu bildirib. O, final görüşündə zədəsini gizlətmək istədiyini, lakin rəqibin bunu görüb ayağına hücum etdiyini söyləyib:

"Döyüş zamanı rəqibə ağır fənd işlətməyə imkan verməməyə çalışırdım. Zədəmin tezliklə sağalacağına ümid edirəm".

A.Qasımov yarışın sonunda belarus idmançının çiynində getməsini bu cür izah edib: "O, ayağımın zədəli olduğunu bilib hücum edirdi. Sonda da təşəkkür olaraq, belə bir jest etdi".