Badminton: Növbəti mərhələ bizlik deyil - YENİLƏNİR

Badmintonda cütlüklərin qarşılaşmasında K.Rzayev və Orxan Qələndərov çıxış edib. Onlarin rəqibi rusiyalı İvan Sazonov və Vladimir İvanov cütü olub. 2 oyundan 0 xal toplayaraq qrupda sonuncu yerdə qərarlaşan duetimiz növbəti görüşdə də məğlub olublar. 3 setlik görüşün ilk ikisini məğlub olan badmintonçularımız mübarizəni dayandırıblar - (21:7, 21:8).

11:52

Azərbaycan badmintonçuları İlk Avropa Oyunlarında növbəti mərhələyə yüksələ bilməyib. Fərdi yarışda qrup mərhələsindəki 3-cü tur qarşılaşmasında Kənan Rzayev italiyalı Rosario Maddaloniyə yenilib - 6:21, 15:21.

Bununla da çıxış etdiyi B qrupunda 1 xalla 3-cü yeri tutan K.Rzayev ilk 2 pillədən kənarda qalıb. Nəticədə o, 1/8 finala yüksələ bilməyib.

Daha öncə qoşa mübarizədə Kənan Rzayev - Orxan Qələndərov dueti qrup mərhələsindəki ilk 2 görüşündən məğlubiyyətlə ayrılaraq, 1/4 finala yüksələ bilməyib. 2 turdan sonra xalsız olan azərbaycanlı cütlüyün bu gün rusiyalı İvan Sazonov - Vladimir İvanov dueti ilə görüşü təsəlli xarakteri daşıyacaq.

10:12

Bu gün Bakı 2015 I Avropa Oyunlarında badminton üzrə 3-cü yarış günü start götürüb.

Publika.az xəbər verir ki, fərdi yarışlarda Azərbaycanı Kənan Rzayev, cütlüklərin qarşılaşmasında isə K.Rzayev və Orxan Qələndərov təmsil edəcək.

Fərdi yarışda Azərbaycan idmançısının rəqibi italiyalı Rosario Maddaloni, cütlüklərin yarışında isə rusiyalı İvan Sazonov və Vladimir İvanov olacaq.

İlk iki görüşdən sonra fərdi yarışda Kənan Rzayev 2 qarşılaşmadan birində qələbə qazanmaqla qrup 3-cüsü, cütlükdə çıxış edən K.Rzayev və O.Qələndərov isə 2 oyundan 0 xal toplayaraq qrupda sonuncu yerdədir.

Qeyd edək ki, badminton yarışına iyunun 26-da yekun vurulacaq və qaliblərə 2 dəst medal təqdim ediləcək.

Artıq idmançımızın fərdi yarışı başa çatıb.

Təklər

B qrupu

III tur

Kamran Rzayev (Azərbaycan) - Rosario Maddaloni (İtaliya) – 0:2 (6:21, 15:21)

10:20. Mişa Zilberman (İsrail) - Samuel Kali (Malta)