Bakı 2015

Elvin Məmişzadə: "Prezident mənə dedi ki, layiqli qələbə qazandın"

27 İyun 2015 16:12

İlk Avropa Oyunlarının qızıl medalçısı Elvin Məmişzadə bu gün MOK-dakı mükafatlandırma mərasimində jurnalistlərə açıqlama verib.

Publika.az xəbər verir ki, 52 kq-da mübarizə aparan 24 yaşlı boksçumuz finaldakı qələbənin təəssüratlarını bölüşüb:

“Qızıl medalın bir addımlığında idim, heç kim istəməzdi ki, onu rəqibə verim. Əlbəttə, var gücümlə döyüşüb qələbə qazanmaq istəyirdim. Qazandım da. Rəqibim güclü olsa da, döyüş mənim üçün o qədər çətin keçmədi. Mükafatlandırma mərasimində prezident İlham ƏIiyev məni qızıl medal qazanmağım münasibətilə təbrik etdi. Dedi ki, layiqli qələbə qazandın".