Banklar
Azərbaycanın bəzi bankları bağlanacaq
Bəzi banklar 90 gün ərzində yenidən təşkil olunmalıdır.
Axar.az xəbər verir ki, Azərbaycan Mərkəzi Bankı (AMB) ölkə banklarının birləşməsi və ya bank fəaliyyətini dayandırıb, başqa formada fəaliyyət göstərməsinə hazırlıqlara başlayıb.
Məlumata görə, artıq avqustun 19-da Mərkəzi Bankın idarə heyəti sədrinin birinci müavini Alim Quliyev tərəfindən “Bankların yenidən təşkili qaydaları” təsdiqlənib.
Avqustun 29-dan qüvvəyə minən qaydalara görə, banklar ya bir-biri ilə birləşməli, ya başqa banklara qoşulmalı, yəni başqa bank tərəfindən udulmalı, yaxud da bank kimi fəaliyyətini dayandırıb bank olmayan kredit təşkilatına (BOKT) çevrilməlidir.
Qaydalara əsasən, bankların yenidən təşkil olunması xüsusi ardıcıllıqla həyata keçirilməlidir. Bunun üçün ilk növbədə Mərkəzi Banka yenidən təşkil üçün icazə alınması məqsədilə ilkin və yazılı müraciət edilməli, yenidən təşkil üçün səhmdarların ümumi iclası çağırılmalı və qərar qəbul edilməli, kreditorlar bu barədə məlumatlandırılmalı, yeni bank və yaxud BOKT dövlət qeydiyyatından keçirilməli və yeni xüsusi razılıq (lisenziya) alınmalıdır.
Mərkəzi Banka bankın yenidən təşkil olunması barədə ilkin və rəsmi müraciət arasında 90 gündən artıq müddət olmamalı, bankın BOKT-a çevrilməsi 3 ay ərzində həyata keçirilməlidir.
Xatırladaq ki, bankın BOKT-a çevrilməsi üçün keçid dövrünə 6 ayadək vaxt ayrılır.
-
Hadisə14:03
Azərbaycanın Koreyadakı səfirinin ailəsində AĞIR İTKİ
-
Nida Xəbər 13:10
Paşinyan 5 saatlıq qapalı görüşdə 4 kəndlə bağlı nələr deyib?
-
Sosial12:57
Əhaliyə şad xəbər: bu evlər ucuzlaşacaq
-
Magazin112:22
Məleykə Əsədovanın görün neçə yaşı oldu
-
Region11:42
Nikolyanı Ermənistana buraxmadılar: Qarabağda yaralanmışdı, Qazaxla sərhəddə...
-
Nida Xəbər 11:32
Ermənistan polisi Bağanis-Voskepar yolunu bağladı
-
Sosial11:13
Bütün sosial ödənişlər bu tarixdə veriləcək
-
Magazin111:07
Görün Brilliant Dadaşova oğluna nə dedi: Yalvarmaqdan... - FOTO/VİDEO