Bilgi.az

Alimlər açıqladılar: “Çəhrayı rəng yoxdur”

14 Avqust 2015 10:45

Çəhrayı rəngi sevməyən qadın yoxdur. Bu da təsadüfi deyil. Axı, çəhrayı rəng uzun illərdən bəri, qadınlığın, romantikanın simvolu kimi qəbul edilir. Ancaq elm adamları əslində çəhrayı rəngin mövcud olmadığını açıqlayıblar. Araşdırmaçılar bu rəngin ağlımızın uydurması olduğunu bildirirlər. Çünki işığın çəhrayı rəngli dalğa şüaları yoxdur. Bu rəngi, sözün əsl mənasında, insan beyni inşa edib.

Belə ki, çəhrayı rəng spektirinin iki zidd tərəfində olan qırmızı ilə bənövşəyi rəngin qarışığıdır. Spektrin bu iki zidd ucunu yaxınlaşdırsaq, arada bir boşluq əmələ gələcək. Bu boşluğu insan beyni çəhrayı rəng olaraq qavrayır. Məsələ bu qədər sadədir. Bundan sonra çəhrayı rəngli geyim və ya əşya almadan öncə bir daha düşünün.

Ləman Sultan