Bilgi.az

Meymunlar hərbi xidmətə çağırılır - FOTOLAR

29 Avqust 2015 13:36

Çində meymunlar hərbi xidmətə cəlb olunub.

Publika.az xarici mətbuata istinadən xəbər verir ki, primatlar hərbi-hava bazasını quşlardan qoruyacaq.

İş ondadır ki, quşlar hərbçilərə bir sıra problemlər yaradır: onlar təyyarənin borularına düşür, bu isə hər hansı bir faciəyə gətirib çıxara bilər.

Meymunlara hərbi obyektlərin yaxınlığında yerləşən ağaclardakı quş yuvalarını dağıtmaq öyrədilib. Meymunların məşqi apreldən başlayıb. Əlbəttə ki, insan köməyi olmadan meymunlar bu işin öhdəsindən gələ bilmir. Belə ki, insanlar əvvəlcə quş yuvalarını tapır və meymunlara göstəriş verir. Meymunlar isə öz növbəsində ağaca dırmaşıb, quş yuvalarını dağıdır.

Meymunlar "xidməti" müqabilində qarğıdalı və digər tərəvəzlərlə mükafatlandırılır. Hazırda hərbi bazada 5 meymun çalışır. Onlar gün ərzində 12 quş yuvasını dağıdır.

Nura