Sperma bağışlayana “iPhone 6s” hədiyyə olunacaq

Çində fəaliyyət göstərən Ranji xəstəxanası inanılmaz bir kampaniyaya start verib.

Publika.az xəbər verir ki, xəstəxana səlahiyyətliləri sperma donoru olan vətəndaşlara "iPhone 6s" hədiyyə edəcəklərini açıqlayıblar.

Xəstəxananın mövzu ilə bağlı payladığı broşürlərdə hədiyyə telefonu pul ilə əvəz edə biləcəkləri də qeyd edilib.

Belə ki, xəstəxanaya 40 ml sperma bağışlayana 6000 yuan, yəni təxminən 942 dollar pul ödəniləcək. Ancaq spermanın miqdarı az olduqda 16 GB yaddaşı olan və 649 dollara satılan "iPhone 6s" veriləcək.

Qeyd edək ki, Çində insanlar sperma donoru olmaqdan ehtiyat edirlər. Çünki spermaların tibbi araşdırmalar üçün istifadə edildiyi deyilsə də, əslində sperma banklarına satıldığı iddia edilir. Odur ki, xəstəxana səlahiyyətliləri bu kampaniya üçün hədiyyə seçərkən gənclərin "iPhone" markalı telefonlara olan güclü marağını nəzərə alıblar. Onların sözlərinə görə, həmin modeli əldə etmək istəyən gənclər hətta böyrəklərini belə satmağa hazırdırlar.

Ləman Sultan