"Nazir"i lüt soyundurub, başına kisə keçirib diz çökdürdülər - FOTO
Bizi izləyin

Bilgi.az

"Nazir"i lüt soyundurub, başına kisə keçirib diz çökdürdülər - FOTO

Dünən Ukraynanın güc strukturlarının nümayəndələri qondarma Donetsk Xalq Respublikasının müdafiə naziri İqor Kakidzyanovu tutublar.



Ukraynanın daxili işlər nazirinin müşaviri Anton Qreşenko deyib ki, Kakidzyanov Manquş qəsəbəsi yaxınlığında “Azov” xüsusi təyinatlı milis dəstəsindinin olduğu avtobusa hücum edərkən yaxalanıb.



Xüsusi təyinatlı “Azov” batalyonu Mariopl şəhərindən Berdyanska tərəf hərəkət edərkən, onlara hücum edən separatçıların dəstəsi ilə aralarında 1 saata qədər döyüş gedib. Ukrayma DİN-in səlahiyyətlisi deyib ki, separatçılar xüsusi təyinatlılara pulemyot və Kalaşnikov avtomatlarından dayanmadan atəş açıblar.



Ukrayna tərəfin avtobus sürücüsü yaralanıb. Ukrayna xüsusi təyinatlılarına hücum edən iki nəfər əsir götürülüb, əsir götürülənlərdən biri “Donetsk Xalq Respublikası”nın müdafiə naziri Kakidzyanovdur. “Azov” xüsusi təyinatlı milis dəstəsinin döyüşçüləri isə, nazirlik tərəfindən mükafata təqdim ediliblər.



Ukraynanın Padikal Partiyasının lideri, prezidentliyə namizəd Oleq Lyaşko deyib ki, tanınmamış "Donetsk Xalq Respublikası"ının müdafiə nazirini yalnız Viktor Yanukoviçə dəyişə bilərlər./anspress

Oxumağa davam et
Reklam
Reklam

Gündəm