Gələcəyi söyləyən tülkübədənli qadın - Fotolar

Pakistanın Kəraçi şəhər zooparkında fil, ceyran və digər heyvanlar saxlanılır. Lakin bağlı qəfəs arxasında vəhşi təbiətdə rast gəlinməyən bir məxluq da saxlanılır.

Bu zooparkda Mumtaz Begum adlı bir şəxs yaşayır. Mumtaz insanbaşlı, tülkü bədənli əfsanəvi personajı canlandırır. Maraqlısı budur ki, hər gün insanlar zooparka bu məxluqu ziyarət etmək üçün gəlirlər. Əslində, bu bir personajdır. Mumtaz, guya, insanlara gələcəyi söyləyir. Bu yolla zoopark öz büdcəsini artırır.

Onun yanına gələn tələbələr imtahanla bağlı sual verir, analar isə öz qızlarının nə zaman ərə gedəcəyini soruşurlar. Mumtaza məsləhət üçün üz tutan bütün ziyarətçilər buradan məmnunluqla qayıdır.

Mumtazı canlandıran Murad Əlinin 33 yaşı var. O, qadın kimi başını bağlayır və qəfəsdə ölmüş tülkü bədənindən istifadə edir. Murad günün 12 saatını burada işləyir.

Zoopark müdriyyətinin tələblərinə görə, Mumtaz rolunu oynayan şəxs gərək bir neçə dildə danışmağı bacarmalıdır və bu səbəbdən də onlar Murad Əlinin namizədliyinin üzərində dayanıblar.

Nura