Bilgi.az

Ərinə görə karyerasından imtina edən müğənni

14 Avqust 2014 16:31

Müğənni Selin Dion və əri Rene Anjelil ən möhkəm cütlüklərdən biri hesab edilir. Ərinə sadiq olan 46 yaşlı müğənni 72 yaşlı ərinə görə naməlum vaxtadək musiqi karyerasına fasilə verib. Selin ərinin səhhətinə görə Asiya ölkələrində baş tutacaq qastrol səfərindən imtina edib.

Xatırladaq ki, dekabrda Rene boğazından bədxassəli şiş əməliyyatı keçirdib. Xəstəlik Renedə 1999-cu ildən aşkar edilib. 15 il müddətində əri ilə birgə xəstəliklə mübarizə aparan müğənni dəfələrlə karyerasına ara verməli olub. İndi isə Selinin nə vaxtadək musiqi aləmindən uzaq duracağı bəlli deyil.

Qeyd edək ki, Rene Anjelillə müğənni 12 yaşında tanış olub. 7 ildən sonra onlar sevgi münasibətində olublar. 1994-cü ildə isə Selin Dion və Rene Anjelil Monreal şəhərində ailə həyatı qurublar. Cütlüyün 3 oğlu var.

Nura