Bilgi.az

Dünyanın ən uzun adamı öldü – FOTO

26 Avqust 2014 11:29

Dünyanın ən uzun adamı olan Leonid Stadnik avqustun 24-də dünyasını dəyişib.

Ukraynanın Jitomir əyalətində yaşamış 44 yaşlı kişinin boyu 2 metr 57 santimetr olub. O, beyinə qansızmadan vəfat edib.

Rekordçu kolxozda veterinar kimi çalışıb və evlənməyib. Stadnik 12 yaşından etibarən baş beynin hipofiz vəzində xoşxassəli şişdən əziyyət çəkib. Elə bu səbəbdən də, Stadnikin boyu dayanmadan uzanıb. O, bir neçə cərrahi əməliyyat da keçirib.

Stadnikin geyiminin ölçüsü 70, ayaqqabısınınkı isə 62 olub. Onun geyim və ayaqqabıları sifariş əsasında hazırlanırmış. Həmkəndliləri isə "divin" mehriban və qayğıkeş olduğunu deyiblər.

Stadnik rəsmi rekordçu hesab edilməyib, çünki o, Ginnesin rekordlar kitabı ilə əməkdaşlıqdan imtina edib. Rəsmən isə dünyanın ən uzun rəsmi adamı türk əsilli Sultan Kesen hesab edilir. Lakin faktiki olaraq Stadnik ondan 6 santimetr uzun olub.

Nura