Bilgi.az

Yapon qadınlarının qocalmamaq sirri

6 Sentyabr 2014 12:27

Yapon qadınları niyə gec qocalır? Əksər ekspertlər bunun sirrini qidalanma ilə əlaqələndirirlər.

Publika.az-ın "mignews"a istinadən verdiyi xəbərə görə, yaponların qida rasionunda heyvan mənşəli yağlardan istifadə etmirlər. Bizim könüllü olaraq imtina edə bilmədiyimiz süd və süd məhsulları, kərə yağı və kəsmikdən Yaponiyada, eləcə də Çində asanlıqla imtina edə bilərlər.

Yaponiyada, demək olar ki, ətlə az qidalanırlar. Onlar daha çox balıqdan istifadə edirlər və az miqdarda pendir qəbul edirlər. Yaponların ən çox qidalandığı dəniz məhsullarının tərkibində zəngin dəniz mineralları və yod var.

Bir sözlə, belə bir deyim var, "avropalıdan yapon olmaz". Hətta yaponlar kimi qidalansa belə. Çünki yaponlar artıq min illərdir ki, bunu özlərinin həyat tərzinə çeviriblər. Bu artıq onların geninə həkk olunub və nəsildən-nəslə ötürülür.

Gülnar Əliyeva