Ərsiz qadınlara müjdə - FOTOLAR

"Cera Travel" Yapon şirkəti ərdə olmayan qadınlar üçün "solo" toy adlı xidmət növü təklif edir. Xidmətə görə ərsiz qadınlar ərin iştirakı olmadan toy keçirə bilər. Bununla da, əri olmayan qadınlar özlərini əsl gəlin kimi hiss edəcək.

Publika.az xarici mətbuata istinadən xəbər verir ki, Yaponiyanın Kioto şəhərindən olan "Cera Travel" şirkətinin əməkdaşları müştərilərinə 2 gün xidmət edir. Bu zaman çərçivəsində əri olmayan qadın gəlinlik paltarı seçir, makiyaj edir. Sonra isə qadınlar fəxrlə tək gəlin kimi şəkil çəkdirir. Lakin qadınların istəyinə əsasən onlarla şəkil çəkdirmək üçün kişi modellər də dəvət oluna bilər.

Fotosessiya bitdikdən sonra gəlin lyuks otellərin birində qalaraq təkbaşına bal ayı keçirə bilər. Müştəriyə əvvəldən xəbər verilir ki, o, otel otağına model kişilərdən birini dəvət edə bilməz. Ancaq gəlinin sevgilisi varsa, o, otelə təşrif buyura bilər.

Şirkət karyera dalınca qaçıb ərə getməyə hazırlaşmayan qadınlar üçün bu xidmətə əl atdığını deyib. "Solo" toyun qiyməti 2750 dollardır və artıq 10-a yaxın insan bu xidmətdən istifadə edib.

Nura