Bilgi.az

Burada pişiklər yoxa çıxır – FOTOLAR

29 Dekabr 2014 16:15

Çinin Dalian şəhərində pişiklərin yoxa çıxması yerli sakinləri narahat etməyə başlayıb. Yerli sakinlər də polislərə qoşularaq müəmmalı hadisəni çözməyə çalışıblar.

Bu ayın əvvəlindən başlayaraq şəhərdə 1000-dən çox pişik yoxa çıxmağa başlayıb. Ev heyvanının sahibləri də sevimli heyvanlarını axtarmaq üçün polisə yardım ediblər. İşbirliyi nəticəsində müəmmalı hadisənin üstü açılıb. Sən demə, şəhərdə cinayət qrupu tərəfindən pişiklər tük və ətinə görə oğurlanırmış. Qeyd edək ki, Çinin bəzi şəhərlərində pişik əti ənənəvi yemək hesab olunur. Ölkədə hər il 4 milyon pişiyin əti yeyilir.

Polis tərəfindən yaxalanan oğru qrupu həm küçə, həm də ev pişiklərini oğurlayıb. Pişiklərin saxlandığı yer tapılaraq, 1000 heyvan xilas edilib və 300-ü isə sahibinə qaytarılıb. Cinayətlə bağlı 6 nəfər həbs olunub.

Nura