“Ebola” virusu, Roma Papası və ürək “smaylik”i - onları nə birləşdirir?
Bizi izləyin

Bilgi.az

“Ebola” virusu, Roma Papası və ürək “smaylik”i - onları nə birləşdirir?

2014-cü ildə dünya internetində ən populyar simvol ürək təsvirini bildirən "smaylik" olub.

Publika.az Rabitə Nazirliyinin saytına istinadən xəbər verir ki, bu barədə ABŞ-ın sayt, bloq və sosial şəbəkələrin dilini tədqiq edən "The Global Language Monitor" (GLM) fondunun tədqiqatında deyilir.

Məlumata görə, "smaylik"lərin təkmilləşdirilmiş variantı "emodzi"lər (animasiyalı rəngli şəkillər) istifadəçilər üçün getdikcə daha çox öz fikirlərini bildirməyə xidmət etməklə söz və hərfləri tam əvəz edir. Hazırda kompüter və mobil elektron qurğular 722 "emodzi"ni "başa düşür". 2015-ci ildə onlara daha 250-sinin əlavə olunacağı gözlənilir.

"Bu gün ingilis dili öz dördyüzillik tarixində ən geniş dəyişmə dövrünü yaşayır, istifadə olunan simvolların sayı yüksək sürətlə artır", - "GLM" prezidenti Pol Peyak deyib.

Qeyd olunur ki, daha çox istifadə olunan sözlər arasında həmçinin "nano", "fotobomba" (başqasının fotoşəkilini korlamağa cəhd), "xilafət", "kometa", "şəffaflıq" və s. sözlər yer alıb. Bundan başqa, populyar ifadələr onluğuna "Əllər yuxarı, atəş açmayın" (ifadədən daha çox istifadə ABŞ-da polis tərəfindən bir neçə qaradərili amerikalının öldürülməsinə etiraz dalğası ilə əlaqədardır), "iqlim dəyişikliyi" və "iritutumlu məlumatlar" daxildir.

Populyar adlar arasında "Ebola" virusu, Roma Papası Fransisk, Birinci Dünya müharibəsi, "Malaysia Airlines" aviaşirkətinin 370 nömrəli reysi (martda Kuala Lumpurdan Pekinə uçan zaman itən təyyarə), "Ice Bucket Challenge" fləş-mobu, ABŞ Milli Təhlükəsizlik Agentliyi (NSA), eləcə də Krım və Soçi Olimpiadası var.

Oxumağa davam et
Reklam
Reklam

Gündəm