İnsan külündən almaz hazırlayır, birini 22 min dollara satır - FOTO

Rinaldo Villinin fəaliyyəti ölmüş bədənlərdən qiymətli daşların hazırlanmasından ibarətdir. İsveçrənin Domat şəhərində yerləşən Algordanza dəfn bürosunun 33 yaşlı direktoru Rinaldonun şirkəti “memorial briliant” yaratmaqla məşhurdur.

Dəfn bürosunun saytında belə bir məlumat yerləşdirilib:

“Əgər siz həyatdan təmtəraqla getmək istəyirsinizsə, yeni texnologiyanın köməyi ilə sizin külünüzü sintetik briliant formasına sala bilərik”.

Şirkətdə qiymətlər almazın hansı ölçüdə hazırlanmasından asılı olaraq 5,000-22,000 dollar arası dəyişə bilər. Bu qiymətə brilyantın qutusu da daxildir. Dəfn bürosu ölmüş insanların qohumlarını seçim qarşısında qoyur. Ya ölünün külünü qutuda saxlasın, ya da, zinət əşyası kimi boyunlarından asaraq əbədiləşdirsin.

Qiymətli daş şəkilinə salınması üçün hər il şirkətin laboratoriyasına 850 kül urnası daxil olur.

Qeyd etmək lazımdır ki, yer kürəsinin artan əhalisi ənənəvi qəbiristanlıqlarda yer məhdudiyyəti yaradır. Güman olunur ki, gələcəkdə dəfn problemləri məhz bu texnika sayəsində həll olunacaq. Yəni hamı öz əzizin külünü zinət şəklində yanında gəzdirəcək.

Camalə