Bilgi.az

İlanla evlənmək istəyən kişi həbs edildi - VİDEO

8 Aprel 2015 00:47

Hindistanın Uttar-Pradeş ştatının sakini ilanla evlənməyə cəhd edib.

Publika.az xarici mətbuata istinadən xəbər verir ki, 27 yaşlı Sandip Patel zəhərli kobra ilə evlənmək istəyib. Patelin sözlərinə görə, kobra keçmiş həyatında gözəl bir qız olub və indi isə ona aşiq olub.

Yerli məbədlərin birində qeyd olunan nikah mərasiminə 12 min insan təşrif buyurub. Lakin toy polis əməkdaşları tərəfindən dayandırılıb.

Toy məclisinə gələn polis əməkdaşları ictimai asayişi pozduğuna görə, Patel və onun atasını saxlayıb. Polisin bu hərəkəti toya gələn insanları hiddətləndirib. Nəticədə, polis gücləndirilmiş iş rejiminə keçərək onları qovub.

Patelin sözlərinə əsasən, o, hər axşam özü də ilana çevrilib və sevgilisi ilə ünsiyyət qurur.

Toy mərasimində iştirak edən rahib deyib: "Patel uşaqlıqdan ilan kimi hərəkətlər edir. O, onlar kimi sürünür, ilan kimi dilini çölə çıxarır".

Nura