Bilgi.az

Birnəfərlik miniatür maşın görənləri şok edir – VİDEO/FOTOLAR

10 Aprel 2015 13:30

Almaniyada məhdud sayda istehsal olunan miniatür avtomobillərdən birinin sahibi Oğuz Yıldırımın birnəfərlik maşını görənlərin marağına səbəb olur.

Publika.az xəbər verir ki, Yıldırım "Junior Mercedes" adlandırdığı avtomobili 1974-cü ildə "Mercedes"in R-107 modelindən bəhrələnərək 100 ədəd istehsal olunduğunu bildirib. O qeyd edib ki, bu avtomobildən ABŞ, İtaliya və İngiltərə kimi ölkələrdə yalnız 60 ədəd qalıb.

Avtomobilin 1994-cü ildə Almaniyadan gətirildiyini və atasından ona miras qaldığını deyən O.Yıldırım yola çıxdığı zaman insanların təəccüb içində "Junior Mercedes"i seyr etdiklərini söyləyir. Buna baxmayaraq, avtomobil sahibi onu satmağı düşünür.

"Junior Mercedes" bir litr benzinlə 25 kilometr yol qət edir və saatda 40 kilometr sürətlə gedir.

Ləman Sultan