Bilgi.az

Bir milyon istəyirsənsə, 123 il yaşa

15 Aprel 2015 11:37

Honkonqun "Deep Knowledge Ventures" investisiya fondunun partnyorlarından biri olan Dmitri Kaminski çox yaşamaqla rekord qıran insana 1 milyon dollar pul verəcəyini bəyan edib. İş ondadır ki, rekord qırmaq istəyən insan gərək 123 il yaşasın.

Publika.az xarici mətbuata istinadən xəbər verir ki, bu vaxta kimi fransız Janna Kalman uzun ömür yaşamaqla rekord vurub. O, 122 il 6 ay yaşaya bilib. Kaminski insan ömrünün daha çox davam edə biləcəyinə əmindir.

O deyib: "Kimsə yeni rekord vurmayana qədər, bizim cəmiyyət uzunömürlülük haqda düşünməyəcək. Əgər uzunömürlülük rəqabətə çevrilsə, o zaman insanlar ona ehtiyac duyacaq".

Bundan əlavə, Dmitri Kaminski "InSilico Medicine" şirkətinin baş direktoru Aleks Javoronkla ikisindən hansının daha çox yaşayacağı haqda milyon dollardan mərcə girib.

Nura