Bilgi.az

Qızının podiuma çıxması üçün 157 min dollar xərclədi – FOTOLAR

7 May 2015 18:30

Çinli qadın kiçik qızına çox maraqlı ad günü sürprizi hazırlayıb. Publika.az xəbər verir ki, maraqlı olduğu qədər də bahalı olan bu sürprizlə ana övladının özünü bir neçə saatlıq da olsa, məşhur model kimi hiss etməsini təmin edib.

Belə ki, qadın yaşadığı şəhərin otellərindən birinin salonunda podium qurdurub. "Prada", "Louis Vuitton", "Dior", "Burberry" kimi ən lüks moda evlərindən qızı üçün geyimlər və aksessuarlar alıb. Təşkil etdiyi moda tədbirini ən xırda detallarına qədər düşünən ana professional fotoqraf dəvət etməyi də unutmayıb.

Beləliklə, ana qızının dünya şöhrətli modellər kimi ən bahalı geyimlərlə podiumda yeriməsinə müvəffəq olub.

Çin mətbuatında yer alan xəbərə görə, kreativ fikrini həyata keçirən ana qızının ad günü üçün ümumilikdə 157 min dollar xərcləyib.

Publika.az çinli kiçik qızın ən xoşbəxt günündə çəkilmiş fotoları təqdim edir:

Ləman Sultan