Qafqaz Universitetinin müəllimləri nazirliyə çağırıldı
Bizi izləyin

Elm və təhsil

Qafqaz Universitetinin müəllimləri nazirliyə çağırıldı

Bu gün keçiriləcək görüşdən sonra universitetin statusu, fəaliyyəti barədə qərar veriləcək.

Bu gün Təhsil Nazirliyində “Qafqaz” Universitetinin rektoru və müəllimləri ilə görüş keçiriləcək.

Bu barədə “Qafqaz” universitetinin mətbuat xidmətinin rəhbəri Rəcəb Rza məlumat verib. Bildirib ki, universitetin fəaliyyətinin dayandırılması ilə bağlı onlara çoxsaylı müraciətlər daxil olur.

“Bizə tələbələr, valideynlər müraciət edirlər. Onlar narahatlıqlarını ifadə edirlər”.

R.Rza bildirib ki, yayılan məlumatlara görə, “Qafqaz” universitetin nəzdində Bak Mühəndislər Universiteti olacaq. Bu haqda dəqiq məlumat yoxdur: “Yeni yaradılacaq universitetlə bağlı nə fərman, nə də tapşırıq var. Hazırda bu istiqamətdə işçi qrupu işləyir”.

Mətbuat katibi vurğulayıb ki, bu gün keçiriləcək görüşdən sonra universitetin statusu, fəaliyyəti barədə qərar veriləcək. Həmin qərar gələn həftə ictimaiyyətə açıqlanacaq.

Qeyd edək ki, “Qafqaz” Universitetinin rəhbərliyi yanvarın 16-da təsisçinin qərarı ilə universitetin ləğvetmə prosesinə başlayıb və ləğvetmə komissiyası yaradılıb. Eyni zamanda universitetin ləğvi ilə bağlı Təhsil Nazirliyində İşçi qrupu yaradılıb və qış imtahan sessiyasından sonra tələbələrin digər universitetlərə köçürülməsi həyata keçiriləcək. (azvision)

Oxumağa davam et
Reklam
Reklam

Gündəm