Elm və təhsil
Dərslik qalmaqalında ÜÇÜNCÜ TƏRƏF: bütün BİABIRÇILIĞIN ÜSTÜ AÇILDI
“Azərbaycan tarixi” və “Ümumi tarix” fənləri üzrə X sinif dərslik layihələrində “səhv” və “plagiat” hallarının olması ilə bağlı iddialar ətrafında mətbuatda və sosial şəbəkədə müzakirələr davam edir.
Təqdim etdiyi dərslik layihəsi qalib olan tərəf heç bir plagiatlıq olmadığını, qarşı tərəf isə əksini deyir.
Publika.az xəbər verir ki, mübahisə və ittihamlar iki tərəf arasında davam edərkən, müsabiqəyə dərslik layihəsi təqdim edən üçüncü tərəf də müzakirələrə qoşulub.
“Ümumi tarix” dərsliyi ilə müsabiqədə iştirak edən “İlin Ən yaxşı müəllimi” adına layiq görülmüş Hamlet Əliyev müzakirələrin elmi müstəvidə, dəyirmi masa ətrafında aparılmasını təklif edib: “Ümumi tarix dərsliyi üzrə tender iki yox, üç dərsliklə təmsil olunub. Tenderin haqsız nəticəsi ilə (Ümumi tarixi nəzərdə tuturam) ilk olaraq biz (Müəlliflər: Hamlet Əliyev, Aydın Allahverdiyev, Şəhla Quliyeva, Leyla Bayramova və Rüfət Rzayev) narazı olduğumuzu bəyan etdik. Nazirliyə qəbul edilmiş dərsliyin şərtlərə uyğun olmadığını məlumatlandırdıq, sosial şəbəkədə tarix müəllimləri ilə bu məsələni birlikdə müzakirə etdik. Son zamanlar mətbuatda iki dərslik müəllifləri arasında kəskin polemika gedir. Rəqiblər bir-birlərini təhqir etməkdən belə çəkinmirlər. Belə təəssürat yaranır ki, guya tenderdə yalnız bu iki komanda iştirak edib, üçüncü komandanın varlığı isə unudulub”.
H.Əliyev onu da bildirib ki, “Ümumi tarix” dərsliyi üzrə hər üç
dərslik mümkün balı toplaya bilməyib: “Kamran müəllim məğlubiyyəti
həzm edə bilməyənlərə qeyri-obyektiv olduqlarını yazır. Ədalətli
olmadıqlarını, qərəzli yanaşdıqlarını bildirir. “Ümumi tarix” üzrə
tenderdə iştirak edərək “məğlub” olmuş komandalardan biri də bizik.
Xüsusi qeyd edim ki, bizim komanda “plaqiatlıqla” hücuma keçən
tarixçi-alimlərin fikirlərini bölüşmür. Kamran müəllim yazılarında
bildirir ki, ən layiqli, standartlara tam cavab verən onların
dərsliyidir. Hörmətli oxuculara bildirim ki, “Ümumi tarix” üzrə
tenderdə hər 3 dərslik mümkün olan balı toplamayıb, bir sözlə, hər
3 dərslik “məğlubdur”. Sadəcə ekspertlərin rəyinə görə Kamran
müəllimin də müəllifi olduğu dərslik üstün sayılıb və bu səbəblə
qəbul olunub. Bizdə olan məlumata görə, ən çox bal toplamış ikinci
dərslik isə bizimki olub. Bu günə kimi nə üçün sözügedən dərslik
üstün olub müəmma doğurur. Dostlar qəbul olunmuş 10-cu sinif
dərsliyi, tendərdə məğlub olan Yaqub müəllimin komandasının
dərsliyilə təxminən eyni ssenaridə yazılıb. İbtidai icma dövründən
başlayaraq müəlliflər 19-cu əsrə kimi dövrü əhatə ediblər. Burada
dərsliyin ayrı-ayrı paraqraflarında elmi səhvlərdən danışmırıq
(təbii ki, var və çoxdur). Qəbul olunmuş dərslik ümumi konsepsiyanı
kobud pozub. Standartlar kapitalizmə qədərki dövrü əhatə etdiyi
halda, dərslikdə kapitalizm dövrü də işıqlandırılıb. Halbuki bu
mövzular 11-ci sinifin məzmun standartlarına daxildir. Nədənsə
ekspertlər bu boyda konsepsiya pozulmasını “görməyiblər”. 6-9-cu
siniflərdə artıq keçirilmiş mövzuların yenidən eyni ssenaridə
yazılması hansı zərurətdən irəli gəlir? Belə çıxır ki, 6-cı sinif
şagirdi 10-cu sinif dərsliyi ilə dərs keçə bilər. Konkret olaraq
10-cu sinif dərsliyi 6-7 və 8-ci siniflər üçün əlavə resurs kimi
tərtib edilib. Hansı kurikulumdan danışmaq olar, hansı müasir
dərslikdən danışmaq olar? Bu ənənəvi dərslikdir... Bizim hörmətli
ekspertlər görünür özləri də sovet təhsilinin inhisarından yaxa
qurtara bilməyiblər. Tender şərtləri, qaydalar var. Bu şərtləri ən
çox pozan dərslik hansıdır? Bunu araşdırdınızmı? Yoxsa redaktə
xarakterli yazılara görə, hərf səhvlər və texniki səhvlərə görəmi
qalib seçdiniz? Yaxşı seçdiniz, qalibi elan etdiniz, o zaman nə
üçün “məğlub” olanlara məğlubiyyətin səbəblərini, yəni rəyləri
vermirsiz, nə üçün ekspertlərlə görüşdürmürsünüz? Azərbaycan tarix
fənni üzrə ekspert Talıb müəllim açıqlama gətirdi... Nə üçün “Ümumi
tarix”lə bağlı belə açıqlamalar yoxdur? Kamran müəllim, obyektivlik
yalnız bu günə kimi dərslik siyasətində inhisarçı mövqe tutmuş
Yaqub müəllimin komandasının tenderdən uzaqlaşdırılması deyil.
Bəli, əvvəlki kurikulum dərslikləri bərbad vəziyyətdədir...
İnanıram ki, sizin dərslik də onların təklif etdiyindən daha yaxşı
olub. Lakin bu, o dəmək deyil ki, sizin dərslik ən yaxşısıdır.
Dərsliyinizlə bağlı müəyyən qədər elmi səhvlər var, ancaq mən
onları hələlik səsləndirməyəcəm, dərsliyiniz nəşr olunduqdan sonra
bildirəcəm, inşallah.
Bu yazı sadəcə sizin yazılarınıza bir cavabdır. Ədalət müdafiəçisi
və onun axtarışında olanlara isə məsləhətim bu işə son vermək üçün
bir dəfəlik hər 3 komanda ilə birlikdə dəyirmi masa təşkil olunsun
və hər kəsin qarşısında hansı komanda daha ədalətli olub
bilinsin”.
10-cu sinif “Ümumi tarix” üzrə metodik vəsaitin müəllifi Leyla Bayramova dərsliklər ətrafındakı müzakirələrə münasibət bildirib və dərslik müəlliflərinin haqlı səbəblər tapıb ortalığa qoya bilmədiyini vurğulayıb: “Aydın Allahverdiyev, Hamlet Əliyev, Şəhla Quliyeva, Rüfət Rzayevin, Leyla Bayramovanın müəllifi olduqları dərslik də yüksək bal toplayıb. Lakin həmin dərsliyin “məğlub olmasının” səbəbi ilə bağlı açıqlama verilmir. Bizim tələbimiz odur ki “məğlub olan” digər dərsliyin də keçməmə səbəbləri, keçən dərsliyin isə üstünlükləri açıqlansın. Bu dərsliklər məktəblərə gedir və müəllimlər məcbur şəkildə bu dərsliklərdən istifadə edirlər. Onlar sosial şəbəkələrdə nə qədər fikir bildirsələr də, ya əhəmiyyət verilmir, ya da dərslikləri analiz etmə ixtiyarı istifadə edən müəllimlərə verilmir. Onlar yerlərdə etirazlarını bildirən zaman isə hər şey üçün gec olur.
Bu gün əsas tələb standartlardır. Çoxsayda ixtisas və ya qeyri-ixtisas fənn müəllimlərilə işləyən və onların fənlərinin standartları üzərində iş aparan biri (mentor) olaraq demək istəyirəm ki, dərslik standartın tələbinə cavab verməlidir. Təəəsüflər olsun ki, dərsliklər hazırlanan zaman standartların tələbinə cavab vermir. “Tam əksinə deyirlər ki, standartı dərsliyə uyğunlaşdırın”. Standartın tələbinə uyğun dərsliyi məktəblərə yönəldin ki, müəllimlər əziyyət çəkməsin”.
L.Bayramova dərsliklərdə problemlərə də diqqət çəkib:
“Dərsliklərdə çox ciddi problem var. Onların hamısını sadalaya
bilməyəcəm amma ən vacibini nəzərinizə çatdıracam. Məsələn, ibtidai
sinif ( sinifi ya 2, ya da 3-dür) “Həyat bilgisi” fənnində “üfüqün
cəhətlərini təyin edir” deyə bir standart var. Amma bu standartı
reallaşdıracaq mövzu yoxdur. Nəzərə alsaq ki, hələ “inqilab”
səviyyəsində deyilik və yalnız əsas vasitə kimi dərsliyə istinad
edirik deməli, bu standartı reallaşdıracaq mövzu olmalıdır
dərslikdə. Sonra dərslikdə “Milli mətbəximiz” mövzusu var. Hansı
ki, heç bir standarta uyğun gəlmədən dərsliyə daxil edilib.
6-cı sinfin Azərbaycan dili standartlarında “Müxtəlif yazı
tiplərini fərqləndirir” standartı var. Amma həmin standartı
reallaşdıracaq mövzu 6-cı sinifdə yox, 10-cu sinifdə var. Deməli,
6-cı sinif “Azərbaycan dili” dərsliyi də standart tələblərinə cavab
vermir. Eyni zamanda nəzərə alsaq ki, bu şagird 9-cu sinifdə yekun
summativ imtahanına cəlb ediləcək, deməli, onun müxtəlif yazı
tiplərindən və onlar üzərində təcrübi işdən xəbəri olmayacaq.
Eyni hal, hazırda Təhsil Nazirliyinin təyin etdiyi ekspertlərin
üstün hesab edib qiymətləndirdiyi “Ümumi tarix” dərsliyində də
yaşanır. Standart kapitalizmə qədərki dövrü tələb etdiyi halda,
dərslik kapitalizm dövrünü əhatə edib. Görünən odur ki, 11-ci
sinifdə müəllimin həyata keçirməli olduğu standartı gətirib 10-cu
sinifdə reallaşdırmalıdır. Bəs şagirdin səviyyəsi? Öyrənmə gücü?
11-ci sinifdə şagird nə edəcək? Müəllim nə edəcək? 11-ci sinif
dərsliyi nəyə əsasən hazırlanacaq? 11-ci sinif üçün yeni
standartlarmı yaradılacaq? Hansısa dərslik səhv yazılıb və təsdiq
edilib deyə?! Hörmətli ekspertlər bunu niyə unudub? Və ya buna niyə
açıqlama vermirlər? Əgər müəllimlərə standartları reallaşdırın
tələbi qoyuruqsa, bir halda ki, imtahan da standartlara əsaslanaraq
götürülürsə, dərsliklər də standart əsas meyar olaraq
götürülməlidir”.
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye