Yanğın baş verən universitetdə imtahan verənlərə XƏBƏRDARLIQ
Bizi izləyin

Elm və təhsil

Yanğın baş verən universitetdə imtahan verənlərə XƏBƏRDARLIQ

Dövlət İmtahan Mərkəzi Azərbaycan Kooperasiya Universitetində keçirilən qəbul imtahanında iştirak edən abituriyentlərə xəbərdarlıq edib.

DİM-dən Publika.az-a verilən məıumata görə,iyulun 22-də Azərbaycan Kooperasiya Universitetində keçirilən imtahanda iştirak edən və binadan kənarda baş vermiş yanğın hadisəsi ilə əlaqədar təxliyə olunan abituriyentlər iyulun 27-də keçiriləcək yeni imtahan üçün “imtahana buraxılış vərəqəsi”ni çap edə bilərlər.

“İmtahana buraxılış vərəqəsi”ndə yeni imtahanın keçiriləcəyi yer, bina, vaxt və s. haqqında məlumatlarla tanış ola biləcəklər. Buraxılış vərəqəsi ilə yanaşı abituriyentlərə “Yaddaş kitabçası”ndan çıxarış da təqdim olunur. Burada abituriyentlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.

Abituriyentlər imtahana özləri ilə şəxsiyyəti təsdiq edən sənədin əsli və “İmtahana buraxılış vərəqəsi”ni gətirməlidirlər. Göstərilən sənədlərdən biri olmadıqda və ya sənədlər arasında uyğunsuzluq olduqda abituriyent imtahana buraxılmayacaq.

Qeyd edək ki, iyulun 22-də qəbul imtahanı zamanı Azərbaycan Kooperasiya Universitetində yanğın baş vermişdi. Yanğın səbəbindən abituriyentlər təxliyə edilib və 9 nəfər tüstüdən zəhərlənərək xəstəxanaya yerləşdirilmişdi.Həmin abituriyentlər yenidən imtahan verəcək.

Oxumağa davam et
Reklam
Reklam

Gündəm