Elm və təhsil
BDU-da akademik Rəfiqə Əliyevanın yubileyinə həsr olunan beynəlxalq konfrans - FOTO
Bakı Dövlət Universitetində görkəmli kimyaçı alim, universitetin Analitik kimya kafedrasının professoru, Əməkdar elm xadimi, “Şöhrət” ordenli akademik Rəfiqə xanım Əliyevanın 85 illik yubileyinə həsr olunmuş “Koordinasion Birləşmələr kimyası: analitik kimyanın aktual problemləri” mövzusunda beynəlxalq konfransı keçirilib.
BDU-dan Publika.az-a verilən məlumata görə, konfransı giriş sözü ilə açan universitetin rektoru, akademik Abel Məhərrəmov ömrünün böyük hissəsini universitetdə ixtisaslı kadrların hazırlanmasına sərf edən Rəfiqə xanım Əliyevanın böyük kimyaçı alim olmaqla yanaşı, Azərbaycanın analitik kimya sahəsində ilk qadın akademiki, bir çox elmi yeniliklərin müəllifi kimi tarixə düşdüyünü deyib.
Alimin həyat və fəaliyyətinin bəzi məqamlarına toxunan rektor
qeyd edib ki, yarım əsrdən artıq elmi və pedaqoji fəaliyyətlə
məşğul olan alimin araşdırmaları analitik reaksiyaları xarakterizə
edən parametrlərlə kompleks birləşmələrin quruluşu arasındakı
asılılığın müəyyən edilməsinə həsr olunub. Bu sahədə Rəfiqə xanım
üzvi reaktivlərin köməyi ilə metal ionlarının ətraf mühitin
mühafizəsi ilə bilavasitə bağlı olan bir sıra tədqiqatları, eyni
zamanda, təyini və onların ayrılması metodikasının işləyib
hazırlayıb, ekologiyanın aktual problemləri ilə bağlı işləri isə
ölkəmizin davamlı inkişafının təmin olunmasına öz töhfəsini verib.
Onun rəhbərliyi ilə analitik kimyanın nəzəri və tətbiqi
məsələlərinə həsr edilmiş çoxsaylı doktorluq və namizədlik
dissertasiyası müdafiə edilib, Moskva Dövlət Universitetinin
Analitik kimya kafedrasının əməkdaşları tərəfindən nəşr olunmuş
“Analitik kimyanın əsasları” 2 cilddə və “Analitik kimyadan məsələ
və suallar” kitabları Azərbaycan dilinə tərcümə edilib və bu
kitablar Azərbaycanın ali təhsil müəssisələrinin müəllim, elmi işçi
və doktorantların inkişafında mühüm rol oynayıb.
Daha sonra çıxış edən M.V.Lomonosov adına Moskva Dövlət
Universitetinin Kimya fakültəsinin dekanı, akademik Valeriy Lunin,
AMEA-nın vitse-prezidenti, Kataliz və Qeyri-üzvi kimya İnstitutunun
direktoru, akademik Dilqəm Tağıyev, Rusiya Elmlər Akademiyası
prezidiumunun üzvü Aslan Celadze, BDU-nun ekoloji kimya
kafedrasının müdiri, professor Sevinc Hacıyeva çıxış edərək Rəfiqə
xanım Əliyevanın səmərəli elmi fəaliyyətindən, kimya elminin
inkişafına verdiyi töhfələrdən, bütün bilik və bacarığını yüksək
ixtisaslı kadrların hazırlanmasına sərf etdiyindən, öz dərin
biliyini və zəngin təcrübəsini gələcək nəsillərə ötürərək böyük
elmi məktəb yaratdığından bəhs ediblər.
BDU-nun professoru Ülviyyə Həsənovanın moderatorluğu ilə davam edən
plenar məruzələr dinləndikdən sonra bölmə iclasları öz işinə
başlayıb. Konfrans öz işini iki gün davam etdirəcək və beş bölmədə
11 ölkədən gəlmiş iştirakçılar tərəfindən 182 elmi məruzə
dinləniləcək.
-
Sosial01:11
Əfv sərəncamı kimlərə şamil olunacaq? - VİDEO
-
Magazin100:45
Nigar Camaldan dərin sinə dekoltesi - FOTO
-
Cənubi Qafqaz00:30
Tbilisidə həbs dalğası başladı
-
Qoroskop00:15
Günün ULDUZ FALI: bu, bəd hadisələrə səbəb ola bilər
-
Sosial00:00
Həmcinsi ilə evlənən azərbaycanlı jurnalist DANIŞDI: "Utanmalıyam?" - FOTO
-
Yaxın Şərq16 Aprel 22:24
İsrail ölkə ərazisinə düşən raketlərin SAYINI AÇIQLADI
-
Magazin116 Aprel 22:12
Sevda fərqli tərzdə MESAJ VERDİ: "Fərqi yoxdur mənim üçün" - VİDEO
-
Pul16 Aprel 22:00
Dollar GÖRÜN NEÇƏYƏ OLDU: son 6 ayın...