Dəb

Alimlər 2018-ci ilin trend olacaq RƏNGİNİ MÜƏYYƏNLƏŞDİRDİ – FOTO

8 Dekabr 2017 13:45

Gələn il modapərəstlər arasında hansı rəng populyar olacaq?

Publika.az xarici mətbuata istinadən xəbər verir ki, alimlər 2018-ci ildə dəbdə olacaq rəngin adını açıqlayıb. “Pantone” rəng institutunun açıqlamasına görə, müxtəlif sahələr üzrə ekspertlər bənövşəyini 2018-ci ilin rəngi elan edib.

İnstitut rəhbəri Eysman Leatrin fikrincə, ultrabənövşəyi bu gün dünyada baş verən hadisələri, eyni zamanda yaxşılığa doğru gedən dəyişiklikləri ideal şəkildə əks etdirir,

Bir çox dizaynerlər, o cümlədən, “Gucci”, “Moschino”, “Elie Saab”, “Balenciaga”, “Marni” gələn il üçün hazırladıqları kolleksiyalarda bənövşəyiyə geniş yer verib. Xatırladaq ki, 2017-ci ilin rəngi yaşıl idi.

Aytən