• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Yazın əsas dəb trendi: soyuq mavi - FOTOLAR

  • Dəb
  • 19 Mart 2015 15:20
  • 1 368 Baxış
Yazın əsas dəb trendi: soyuq mavi - FOTOLAR

Mövsümün ən aktual çaları soyuq, sakit, ifadəsiz, səhərin təmiz səmasını xatırladan mavi tonlarıdır. Mavi son dərəcə təmkinli olmasından başqa, olduqca cəlbedicidir və boz qədər sadədir. Bənövşəyi qədər iddialı və üsyankar olmasa da, mavi bu mövsüm ən sevdiyiniz rəngi olacaq. Təkcə adı bu rəngi seçmək üçün kifayət edir!

Mavi həm də sülh və əmin-amanlıq deməkdir. Ona görə də bu rəngi inqilablara can atmayan, əksinə, mühafizəkar ruhlu qızlar geyinməyə razı olur. Bu rəng davamlılığı və etibarlılığı ifadə edir. Ciddi iş görüşlərinə və mühüm danışıqlara gedərkən bu rəngə üstünlük verilməsi məsləhət görülür.

2015 yaz-yay mövsümünün əvəzolunmazı olan göyün ən şirin tonu soyuq mavidir. Mavini bütün açıq rənglərlə rahatlıqla kombinasiya etmək mümkündür. Bu neytral və soyuq tonlarda olan paltarlar insana özünü rahat hiss etdirir. Eyni zamanda, bir çox mürəkkəb tonlarla da kombinasiya etməyə imkan verir.

Soyuq mavi paltarlar ağ rəngli aksessuarlarla - çanta və ayaqqabı ilə əla görünür. Mavi cinslərin ən yaxşı dostu ağ rənglərdir.

Bu rəngin digər üstünlüyü mövsümün dəbdə olan bütün rəngləri - xaki, metal və qızılı tonları ilə uzlaşmasıdır. Bu yaz kolleksiyalarda belə misallar çoxdur, ona görə də siz bu rəngin kombinasiyalarını tapmaqda çətinlik çəkməyəcəksiniz.

Publika.az yaz mövsümündə ən çox diqqətçəkən mavi tonlara adi bir neçə nümunə toplayıb.

AYTƏN

Xəbər lenti

DAHA ÇOX XƏBƏR