Dəb

Bir neçə boyunbağı taxmaq trendi - FOTOLAR

23 May 2015 14:30

Aksessuar istifadə etməyi, xüsusilə boyunbağı taxmağı sevirsinizsə, sizə gözəl xəbərimiz var! Publika.az xəbər verir ki, bu mövsüm bir neçə boyunbağını birlikdə taxmaq dəbin diktə etdiyi yeni tendensiyasıdır.

Bir neçə ildir ki, bütün barmaqlara bir neçə üzük taxmaq, o cümlədən qolları bilərziklə doldurmaq dəbdə idi. Bu il növbə boyunbağılarındır. Artıq bir neçə boyunbağını birlikdə istifadə etmək trend hesab olunur. Lakin bu zaman boyunbağıların zərif və bir-biri isə kobud təzad təşkil etməməsindən əmin olmaq lazımdır.

Son illərdə irihəcmli və dəbdəbəli boyunbağılar moda dünyasında ön plana çıxsa da, zərif və incə boyunbağılar bütün qadın üçün əvəzolunmazdır. Zərif boyunbağılar hər şey ilə uyğunlaşdığı üçün ecazkar görünür. Dizaynerlər demək olar ki, hər şeylə uyğunlaşan zərif boyunbağıların bir neçəsini eyni anda taxmağa icazə verirlər. Hətta qızılı və gümüşü rəngləri qarışdırmaq olar.

Aytən