Dizayn
Evi geniş və işıqlı göstərmək üçün MƏSLƏHƏTLƏR
İnteryerdə bir neçə qaydaya əməl etməklə kiçik otaqları olduğundan geniş və işıqlı göstərə bilərsiniz.
Evinizi yenidən yaratmaq üçün Publika.az-ın məsləhətlərinə əməl edin.
*Açıq rəngli divarlar
Açıq rənglər otağı olduğundan daha böyük göstərir. Divar kağızından istifadə edəcəksinizsə, yenə də açıq rənglərə və sadə naxışlara üstünlük verin.
*Güzgülər
Güzgü şıq detallardan biridir. Həm də o, otağı olduğundan daha geniş və işıqlı göstərir. Divarları güzgülərlə bəzəyə və ya bir divarı başdan-ayağa ayna edə bilərsiniz. İri və çərçivəsiz aynalardan istifadə etməyiniz məsləhətdir.
*Qapalı rəflər
Adətən, evin salonunda açıq rəflərdən geniş şəkildə istifadə edilir. Belə rəfləri əşya və aksessuarlarla bəzəyib evinizi şıq göstərmək istəməyiniz normaldır. Ancaq bu salonu olduğundan daha kiçik göstərəcək. Ona görə də, qapalı rəflərdən istifadə edin. Bu, salona daxil olarkən gözlərin yorulmasının qarşısını alacaq.
*Pərdələr
Pəncərələrə pərdə taxmasanız, daha yaxşı olar. Ancaq mütləq pərdədən istifadə etmək istəyirisinizsə, açıq rəngli pərdələrə üstünlük verin.
*İşıqlandırma
Bir çox insan otağı bir nöqtədən işıqlandırmağa üstünlük verir. Ancaq kiçik otaqları fərqli nöqtələrdən işıqlandırmaq məsləhətdir. Otağın künclərinə şıq lampalar qoyun.
*Doğru mebel seçimi
Dəbdəbəli, tünd rəngli divan-kreslolardan uzaq durun. Sadə, müasir təzdə, açıq rəngli yumşaq mebellərə üstünlük verin.
*Şəffaf masa və stullar
Masa, stul və jurnal masası alarkən açıq rəngli materialdan hazırlanmış, üstü aynalı modellər seçin.
*Xalı-xalça seçimi
Əsas qayda yenə də dəyişmir. Xalı və xalçaların açıq rəngdə olanlarına üstünlük verməlisiniz.
Ləman Sultan
-
İnanc20:24
Ağdam Cümə məscidində ilk Azan - VİDEO
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO