İŞİD-ə ağır zərbə: iki ölkədəki lideri öldürüldü
Bizi izləyin

Dünya

İŞİD-ə ağır zərbə: iki ölkədəki lideri öldürüldü

İŞİD terror təşkilatının Əfqanıstan və Pakistan bölgəsində bir nömrəli adamı olan Hafez Sayed Əfqanıstanın Nangarhar şəhərində öldürülüb.

Publika.az xarici mediaya istinadən xəbər verir ki, bu barədə Əfqanıstan Kəşfiyyat Təşkilatının (NDS) tərəfindən verilən yazılı açıqlamada deyilir.

Hafez Sayedin NATO güclərinin həyata keçirdiyi hava hücumunda öldürüldüyü bildirilir. Əməliyyat zamanı həmçinin İŞİD-in 30 üzvü öldürülüb.

Məlumata görə, ötən ildən Əfqanıstanın şərq və cənub bölgələrində Talibanın bəzi üzvləri İŞİD-ə qatılaraq ölkədə İŞİD üçün döyüşçülər toplayır. Son vaxtlar ölkənin şərqində İŞİD və Taliban üzvləri arasında tez-tez qarşıdurmaların baş verdiyi deyilir.

Xatirladaq ki, ötən həftə Nangarhar şəhərində həyata keçirilən hava hücumu ilə İŞİD-in Əfqanıstandakı iki nömrəli adamı kimi tanınan Gül Zaman öldürülmüşdü.

Ömər Dağlı

Oxumağa davam et
Reklam
Reklam

Gündəm