Dünya
Borc içində batan Ermənistan Yunanıstanın taleyi ilə üz-üzə - FAKTLAR
Daxili çəkişmələr, iqtisadi çətinlik, miqrasiya problemilə üz-üzə qalan Ermənistan həm də xarici borcun içində boğulur.
Publika.az xəbər verir ki, Ermənistanın “Dövlət
borcu haqqında” qanununda edilən dəyişiklik iqtisadçıların ciddi
narahatlığına səbəb olub. Yeni dəyişiklik hökumət borcunun dövlət
borcu anlayışı ilə əvəz edilməsi haqdadır. Əvvəlki qanuna görə,
xarici borc ümumdaxili məhsulun 60 faizindən yuxarı olmamalı idi.
Yeni dəyişiklik isə bu məhdudiyyəti aradan qaldırır.
Hazırda Ermənistanın xarici borcu 4,6 milyard dollara qədərdir. Bu,
ümumdaxili məhsulun 52,8 faizini təşkil edir. Beynəlxalq Valyuta
Fondunun proqnozlarına görə, 2020-ci ilə qədər xarici borc ÜDM-in
62 faizinə bərabər olacaq.
Məlumat üçün bildirək ki, xarici borc Rusiyada ÜDM-in 18,8, Qazaxıstanda 17,2, Gürcüstanda 44,2, İranda isə 11,9 faizini təşkil edir. MDB məkanında ən az xarici borcu olan dövlət isə Azərbaycandır. Belə ki, Azərbaycanın xarici borcu ÜDM-nin 8 faizini təşkil edir.
Ermənistan bu siyahıda ən sonunculardandır. Bu ölkənin
iqtisadçıları hesab edirlər ki, qanuna edilən yeni dəyişiklik
Mərkəzi Banka daha çox borc almaq üçün əlavə imkanlar yaradır.
İqtisadçı Tatula Manaseryan bildirib ki, bu məsələ Ermənistan
iqtisadiyyatı üçün neqativ nəticələrə gətirib çıxaracaq.
Ermənistan parlamentinin deputatı Arsvika Minasyan hesab edir ki,
bu məsələ ciddi qorxulara səbəb olur: “Xarici borc haqda
məhdudiyyətin aradan qaldırılması hökumətə əlavə borc almaq üçün
yeni imkanlar yaradacaq. Bu borclar da hökumətin yox, dövlətin
borcu olaraq Ermənistanın belinə yüklənəcək”.
Yeni dəyişikliklər hökumətə böyük miqdarda kredit götürməyə də
şərait yaradır.
Erməni deputat Aram Manukyan hökumətin bu imkandan kifayət qədər
yararlanacağını, Ermənistanı dövlət kimi məhv edəcəklərini deyib:
“Bundan sonra Mərkəzi Bank məhdudiyyətsiz kredit götürə biləcək. Bu
isə ölkənin gələcəyini uçuruma aparır”.
İqtisadçı Vaqn Xaçatryan bildirib ki, hökumət büdcə xərclərini qarşılaya bilmir: “Məhz buna görə belə dəyişikliklə büdcə xərclərinin kreditlər hesabına qarşılanması siyasəti aparılır”.
Ekspertlər həm də ondan narahatdırlar ki, hökumətin götürdüyü
xarici borclar ölkə iqtisadiyyatına deyil, şəxslərin cibinə axır.
Təsadüfi deyil ki, korrupsiya və dövlətin talanması nəticəsində
2008-ci illə müqayisədə Ermənistanın xarici borcu 3 dəfə artıb.
Belə ki, 2008-ci ildə xarici borc 1,5 milyard dollar – ÜDM-nin 13
faizini təşkil edirdisə, hazırda bu, 5 milyard dollara yaxınlaşır.
Bu qədər borcun qarşılığında isə iqtisadiyyat getdikcə
zəifləyir.
Ermənistan iqtisadiyyatı o həddə çatıb ki, artıq pensiyaların
ödənməsi problemi yaranıb. Həmçinin, büdcə xərcləri durmadan
ixtisar olunur. Ekspertlərin fikrincə, Ermənistan yaxın gələcəkdə
Yunanıstanın taleyini yaşayacaq. Çünki defolt, demək olar ki, bu
ölkənin qapısını döyür. Digər tərəfdən, indiyə qədər diasporun
verdiyi ianələr də kəsilib. Buna səbəb isə erməni diasporunun Serj
Sərkisyanla münasibətlərinin kəskinləşməsidir.
Beynəlxalq Valyuta Fondunun xəbərdarlığına baxmayaraq, Ermənistan
hakimiyyəti iqtisadi problemləri yeni borclar hesabına həll etməkdə
davam edir və ölkə xarici kreditorların asılılığına düşür. Lakin
hökumət iqtisadiyyatı ayağa qaldırmaq üçün heç bir cəhd etmir.
Rəy sorğularına görə, iqtisadi çətinliyə dözə bilməyən Ermənistan
əhalisinin yarıdan çoxu ölkədən köçmək niyyətindədir.
“Müstəqillikdən bəri Ermənistanı 1,5 milyon insan tərk
edib. Bu, əhalinin üçdə bir hissəsini təşkil edir. Orta hesabla hər
il Ermənistanı 100 min insan tərk edir”.
Bunu isə Ermənistan miqrasiya xidmətinin rəisi Qaqik Yeganyan
deyib.
Lakin ekspertlər qeyri-rəsmi məlumatların bundan daha çox olduğunu,
köçənlərin 2 milyondan çox olduğunu deyirlər. İllik miqrasiya isə
150 mindən artıqdır. Cəmi 900 kəndi olan Ermənistanda yüzlərlə kənd
bomboşdur. Bu ölkəni tərk edənlər bunu işsizlik və normal həyat
şəraitinin olmaması üçün edirlər. Lakin bununla yanaşı, miqrasiyaya
təsir edən amillərdən biri də siyasi təzyiqlərdir.
BMT-nin məruzəsinə görə, ötən il Ermənistandan 5 min 242 vətəndaş dünyanın 44 ölkəsindən siyasi sığınacaq istəyib. Məlumata görə, son iki ildə Ermənistandan siyasi sığınacaq üçün 10 min vətəndaş müraciət edib.
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı