• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

1 milyarda tikilən aeroport 10,000 avroya satılır

  • Dünya
  • 19 İyul 2015 17:53
  • 882 Baxış
1 milyarda tikilən aeroport 10,000 avroya satılır

5 il əvvəl inşası 1 milyard avroya başa gələn İspaniyadakı Syudad-Real şəhərinin aeroportu 10 min avroya satıla bilər.

Publika.az xarici mediaya istinadən xəbər verir ki, iki il əvvəl iflasa uğramış hava limanı öncədən 100 milyon avroya təklif olunurdu. Daha sonra qiymət 30 milyona endirildi.

Lakin 7 dəfə hərraca çıxarılan aeroporta istənilən qiyməti verən olmayıb.

Sonuncu təklif Çinin Tzaneen İnternational şirkətindən daxil olub.

Növbəti 20 gün ərzində bu qiyməti üstələyən təklif daxil olmazsa Çin şirkəti hava limanının sahibi elan olunacaq.

Syudad-Real aeroportu paytaxt Madrid hava limanından təxminən 235 kilometr aralıqda tikilib. Lakin belə görünür ki, məsafəyə görə onun xidmətinə maraq göstərən olmayıb.

Hərracın qalibi müflis olan obyektin 300 milyon avroluq borcunu da qarşılamalı olacaq.

Xəbər lenti

DAHA ÇOX XƏBƏR