Dünya
Putindən maraqlı müsahibə: “Mən ağlımı itirmişəm?!”
Rusiya Prezidenti Vladimir Putin İsveçrə KİV-inə
müsahibə verib.
Publika.az xəbər verir ki, V. Putin
müsahibəsində bir sıra maraqlı məqamlara toxunub, onun haqda
“ağlını itirib” fərziyyələrinə münasibət bildirib.
“Heç kim korrupsiyaya qarşı mübarizənin əleyhinə deyil. Lakin bu
o demək deyil ki, bir ölkə sərhədləri kənarında həbslər aparsın,
yaxud həbsxanalar yaratsın”, - deyə Rusiya Prezidenti FİFA rəhbəri
Cozef Blatterə qarşı ABŞ-da başlanan istintaqa münasibət
bildirərkən deyib.
Onun sözlərinə görə, ABŞ imperiya siyasətini həyata keçirir: “O,
imperiyaya qayıtmır. Nə qayıdış? O, çoxdan imperiya siyasəti
aparır. Bütün bunlar, sadəcə olaraq, vəziyyətin daha da
möhkəmləndirilməsidir. Bu fikirlər o demək deyil ki, mən
anti-Amerika mövqeyindəyəm. Xeyr. Biz Birləşmiş Ştatlara, xüsusilə
Amerika xalqına böyük sevgi və hörmətlə yanaşırıq. Amma öz
sərhədlərindən kənarda öz yurisdiksiyasının tətbiq edilməsi
beynəlxalq hüquqa ziddir və bunu darmadağın edir”.
Jurnalistin “Qərb ölkələri sizə görə fikir ayrılığı
yaşadı. Bəziləri sizə heyranlıq duyur, bəziləri ittiham edir. Siz
nüvə arsenalı haqda danışandan sonra çoxları yeni təhlükələrin baş
verəcəyindən bəhs edir” sözlərinə münasibət bildirən
Vladimir Putin deyib: “Yeni qızğın silahlanma prosesi ABŞ-ın raket
əleyhinə müdafiə haqda müqavilədən çıxmasından sonra başladı.
Halbuki, bu, beynəlxalq təhlükəsizliyin bütün sistemini məhv edir.
ABŞ-ın davranışlarından sonra Rusiya cavab addımı atmağa məcbur
oldu. Bu strateji güc balansının saxlanılması üçün vacib idi. Mən
əhəmiyyətli bir məqamı da qeyd etmək istəyirəm: Biz bütün bunları
başqalarına təhlükə yaratmaq üçün deyil, Rusiyanın təhlükəsizliyini
təmin etmək üçün edirik”.
V. Putin Avropada yeni müharibə ehtimalın da dəyərləndirib. O,
bunun baş verməyəcəyinə ümid etdiyini vurğulayıb.
“Sözsüz ki, ABŞ böyük dövlətdir və Amerika xalqı bu dövləti bir
neçə yüzilliklər boyu yarada bilib. Lakin bu o demək deyil ki,
ABŞ-ın bugünkü hakimiyyəti bütün dünyanı idarə etmək, istədiyini
həbs etmək hüququna malikdir, yaxud “kim bizimlə deyil, o, bizə
qarşıdır” prinsipi doğrudur”, - deyə o vurğulayıb.
Rusiya Prezidenti Qafqazda üzləşdikləri terror təhlükəsindən də
bəhs edib: “Biz daha güclü olmaq üçün hərəkətə keçəndə həmişə
Qafqazda problemlərlə qarşılaşırdıq. “Əl-Qaidə” bizə qarşı terror
təhdidlərinə başlayırdı. Avropalı kolleqalarımdan soruşurdum:
Terrora qarşı mübarizədə nə üçün bizə dəstək vermirsiniz? Onlar
deyirdi ki, beynəlxalq situasiya buna imkan vermir. O zaman mən
deyirdim ki, kömək etmirsinizsə, heç olmasa, mane olmayın”.
Jurnalist V. Putindən soruşur: “Avropada sizi Stalinlə
müqayisə edirlər. Hətta sizin ağlınızı itirdiyinizi düşünənlər də
var”.
“Siz mənimlə müsahibədən sonra hesab etmirsiniz ki, mən
ağılsızam?!” - deyə Putin cavabında gülür.
“Bu siyasi mübahisələrin bir hissəsidir. Mən sadəcə onu deyə
bilərəm ki, bütün etdiklərim ölkəmin və xalqımın xeyrinədir”, -
deyə o bildirib.
Asif Nərimanlı
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ
-
Nida Xəbər 13:10
Paşinyan 5 saatlıq qapalı görüşdə 4 kəndlə bağlı nələr deyib?