Dünya
İŞİD-ə əsgər toplayan əsas şəbəkə həbs olundu
Türkiyənin Şanlıurfa bölgəsində xarici ölkələrdən gələnləri İŞİD-ə aparan beş nəfərlik əsas şəbəkə ortaya çıxarılıb.
Publika.az xəbər verir ki, Mehmet D-nin lideri olduğu şəbəkə Hüseyn D, Mehmet A və Suriya əsilli Haris S-dən ibarət olub. Onlar şəhərin mərkəzində “təhlükəsiz evlər” qurublar.
Türkiyə polisinin xüsusi əməliyyat qrupu Suriyadakı İŞİD
liderlərindən gələn telefon zəngindən sonra hərəkətə keçib. Şəbəkə
üzvləri telefon danışığında İŞİD liderlərinə “qardaşlar gəlir” deyə
yeni üzvlər haqda məlumat veriblər. İstintaq zamanı Mehmet D-nin və
qrupunun xüsusilə Rakkadakı İŞİD rəhbərliyi ilə bağlantıları olduğu
ortaya çıxıb.
Məlum olub ki, xarici ölkədən İŞİD-ə qoşulmaq üçün gələnlər bir gün
oteldə, yaxud “təhlükəsiz evlərdə” qalır. Ertəsi gün Mehmet D
maşınla onları əvvəlcə Akçakaleyə aparır, oradan da qeyri-qanuni
yollarla sərhədi keçirirlər.
“Miliyyet” qəzetinin yazdığına görə, İŞİD-ə qoşulmaq üçün gələn
xaricilərin özləri ilə gətirdikləri əşyalar daha sonra onların
arxasınca göndərilir.
Əcnəbilərin saxlanıldığı evlərin maliyyəsini İŞİD-in ödədiyi və bu işə Suriya əsilli Haris S-nın baxdığı ortaya çıxıb. Şəbəkənin lideri Mehmet D-nin böyük qardaşının vaxtilə “Əl-Qaidə”də döyüşdüyü və öldüyü faktı aşkarlanıb.
Əməliyyat zamanı şəbəkədən 1 ədəd “Glock” tapançası, 3 ədəd
patronqabı ilə birlikdə 42 ədəd güllə, 7 ədəd cib telefonu, 8 ədəd
simkart, İŞİD-ə qoşulan 4 əcnəbiyə aid pasport, 3 ədəd xarici ölkə
pasportu, 2 ədəd noutbuk, 2 ədəd ləptop, 3 ədəd planşet
götürülüb.
Asif Nərimanlı
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!