• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Qəddafinin oğlunun döyülməsi görüntüləri yayıldı - VİDEO

  • Dünya
  • 4 Avqust 2015 10:41
  • 1 763 Baxış
Qəddafinin oğlunun döyülməsi görüntüləri yayıldı - VİDEO

Liviya prokurorluğu ölkənin keçmiş lideri Müəəmmər Qəddafinin oğlunun həbsxanada döyülməsini əks etdirən videogörüntülərin yayılmasından sonra araşdırmalara başlayıb.

Publika.az “Reuters” agentliyinə istinadən xəbər verir ki, 42 yaşlı Saadi Qəddafinin döyülməsi görüntüləri Tripoli şəhərindəki həbsxanada lentə alınıb.

Videoyazıdan görünür ki, hüquq-mühafizə orqanlarının əməkdaşları Saadi Qəddafini üz nahiyəsindən vururlar. Polislər daha sonra onun ayaqlarını boruya bağlayaraq ayaqlarının altını vururlar.

Tripoli prokurorluğu videoyazıda təsvir edilən hüquq-mühafizə orqanlarının məsuliyyətə cəlb edəcəyini açıqlayıb.

“Human Rights Watch” beynəlxalq hüquq müdafiə təşkilatı videonun yayılmasından sonra narahatlığını ifadə edib. Təşkilatın Yaxın Şərq üzrə direktor müavini Co Storkanın sözlərinə görə, “Al-Xadba" həbsxanasında Saadi Qəddafi və digər saxlanılanların dindirilməsində istifadə edilən işgəncə metodları ciddi narahatlıq yaradır.

Qeyd edək ki, Saadi Qəddafi ötən il Liviyaya Nigerdən ekstradisiya olunub. Əvvəllər Liviya Futbol Federasiyasına başcılıq edən Saadi futbolçunun qətlində, həmçinin başqa cinayətlərdə ittiham edilir. Onun döyülməsi ilə bağlı video isə Qəddafinin digər oğlu Seyf Əl-İslamın ölüm cəzasına məhkum edilməsindən sonra yerləşdirilməsi diqqət çəkir. Qəddafinin oğlu ilə yanaşı Liviyanın keçmiş səkkiz məmuru da ölüm cəzasına məhkum edilib. Onların arasında keçmiş baş nazir Əl-Bağdadi Əl-Mahmudi və kəşfiyyat rəisi Abdullah Əl-Senussi də var.

Ömər Dağlı

Xəbər lenti

DAHA ÇOX XƏBƏR