Ərdoğan ABŞ-a Yaxın Şərqin xəritəsini dəyişdirməyə gedir - İDDİA

Türkiyə prezidenti Rəcəb Tayyib Ərdoğanın avqust ayında ABŞ-a gedə biləcəyini açıqlaması Suriya və İraqla bağlı yaxın vaxtlarda önəmli planların həyata keçiriləcəyi ehtimalını artırır.

Publika.az xəbər verir ki, ABŞ-ın “The New York Times” nəşri Ankara və Vaşinqton arasındakı İncirlik razılaşmasını xatırladaraq Yaxın Şərqə yeni şəkil veriləcəyini yazıb.

“PKK və İŞİD böyük əməliyyatlarla qarşı-qarşıya qalacaq. Bəşər Əsədin getməsi üçün Vaşinqton daha aktiv rol oynamağa başlayacaq. Bölgənin gələcəyi Ərdoğan-Obama görüşündə planlaşdırılacaq”, - Amerika nəşri bildirib.

Türkiyə ilə ABŞ arasındakı İncirlik razılaşmasının əhəmiyyətinə diqqət çəkən nəşr qeyd edir ki, Ankarının uzun müddətdir Suriyanın şimalında yaradılmasını tələb etdiyi “tampon bölgə” artıq Vaşinqtonda da qəbul olunur. “The New York Times” həmçinin qeyd edir ki, “Əsədsiz yeni Suriya” mövzusunda Ankara və Vaşinqtonun mövqelərinin son vaxtlar bir-birinə daha da yaxınlaşması diqqət çəkir.

Ömər Dağlı