Əsədə bu torpaqlar qalacaq: “II Kosovo” əməliyyatının mümkün nəticələri

Türkiyənin İncirlik bazasının koalisiya qüvvələrinə açılmasından sonra Türkiyə və ABŞ İŞİD-ə qarşı genişmiqyaslı əməliyyatlara başlayıb.

Publika.az xəbər verir ki, Türkiyənin “Star” qəzetinin yazarı Ardan Zentürk bu əməliyyatlardan sonra nələr olacağını, Suriya və İraqda hansı proseslərin baş verəcəyini yazıb.

Ardan Zentürk baş verəcək prosesləri 4 bənddə qruplaşdırıb.

1. Əməliyyatlar 1990-cı illərdə həyata keçirilən Kosova hərəkatından fərqli olmayacaq. Nəticədə Suriya Milli Şurası İŞİD-ə güzəştə getməyə məcbur olan əraziləri geri qaytararaq Dəməşq rejimi ilə baş-başa qalacaq.

2. Bəşər Əsəd və ətrafındakı insanlar Rusiyanın da iştirakı ilə Lazikiye şəhərinin mərkəz olduğu və nüseyri əhalisinin yaşadığı kiçik bir coğrafiyada yeni bir siyasi subyekt yaradacaq.

3. İŞİD-in Suriyada məhv edilməsi İraqın Mosul və Anbar vilayətlərinin də azad olunmasına gətirib çıxaracaq.

4. PYD Cəzirə kantonunun sərhədlərinə geri dönəcək, Tel-Abyad və ətraf ərazilərdə pozulan demoqrafik tərkib bərpa ediləcək.

Ömər Dağlı