Dünya

Daha bir ölkə qapılarını İranın üzünə açdı

13 Avqust 2015 11:52

Nüvə məsələsində əldə olunan razılaşmadan sonra daha bir ölkə İranla münasibətlərini qaydaya salır.

Publika.az Anadolu agentliyinə istinadən xəbər verir ki, İsveçrə hökuməti İran ilə qiymətli filiz-mədən ticarəti, neft-kimya məhsulları, xam neft ilə neft nəqli əməliyyatları üzərindəki sanksiyaların qaldırılmasına qərar verib. Sanksiyaların bu gündən etibarən ləğv edilməsi nəzərdə tutulur.

Bununla bağlı İsveçrə hökuməti bəyanat yayıb.

Bəyanatda bildirilir: “Federal Şura ümid edir ki, atılan addım nüvə razılaşmasının həyata keçirilməsinə dəstək kimi qiymətləndiriləcək”.

Sənəddə həmçinin qeyd olunur ki, İsveçrə İranla ikitərəfli münasibətlərin genişləndirilməsində maraqlıdır.

Qeyd edək ki, İsveçrə 2014-cü ilin yanvarından etibarən İrana qarşı sanksiyaları dayandırmışdı.