Dünya

NATO Rusiyaya operativ cavab hazırlayır

19 Avqust 2015 17:37

Şimali Atlantika İttifaqı (NATO) Avropada “soyuq müharibə” dövründən sonrakı ən böyük hərbi təlimlərini keçirir.

Publika.az xarici mediaya istinadən xəbər verir ki, “Operativ cavab-15” (“Swift Response-15”) adlanan NATO-nun hava-desant təlimləri ittifaqa üzv 4 ölkədə - Almaniya, Rumıniya, Bolqarıstan və İtaliyada keçirilir.

Təlimlərdə 11 ölkədən (Bolqarıstan, Böyük Britaniya, Almaniya, Yunanıstan, İspaniya, İtaliya, Niderland, Polşa, Portuqal, ABŞ və Fransadan) 5 min hərbi qulluqçu iştirak edir. Təlimlərdə əsas komandan ABŞ ordusunun məşhur 82-ci hava-desant diviziyasıdır.

“European Leadership Network” tədqiqat mərkəzinin ekspertləri hesab edirlər ki, Moskva və NATO-nun keçirdiyi hər bir hərbi təlim tərəflər arasında etibarsızlığı daha da artırır.

Ömər Dağlı